89.9 GNFM, subling paga abrehan

Subling paga abrehan ang istasyon sa radyo sa Archdiocese of Davao nga 89.9 GN FM kinsa sakop usab sa Catholic Media Network (CMN).

Kini maoy desisyon sa kaparian atol sa gihimong Presbyterium meeting niadtong Agosto 11 didto sa Bishop’s Palace.

Tumong sa pag abre sa maong istasyon sa radyo mao ang pagsabwag sa Pulong apil na ang aktibong kaakuhan sa simbahan ngadto sa tibuok kalibutan hilabi na sa natad sa social communications ug mass media.

Ang programa sa maong istasyon, gilambigitan sa 50% musika, 48% talk magazine ug 2% sa balita.

Migawas usab sa gihimong survey sa University of Mindanao nga 78% sa residente sa dakbayan sa Davao adunay radyo; nga kini ginapaminawan pa gihapon alang sa impormasyon dayon kalingawan sama sa nigawas sa survey nga gihimo pud sa media apostolate diin 1, 000 respondents ang gipangutana.

Daghan na usab ang naghulat sa pagsugod sa pag broadcast sa maong istasyon nga naila sa pagpatugtog ug mga praise and worship bag-o kini nanirado niadtong 2008.