Ika-12 nga kapistahan sa Mandug parish gisaulog

Gisaulog sa San Alfonso Ma. De Liguori Parish ang ilang ika-12 nga kapistahan diin gihatagan nila og pagtagad ang kasaulogan sa Tuig sa mga Layko.

Subay sa tema nga “San Alfonso; Panig-ingnan sa Malahutayon ug Mapaubsanong Pag-alagad sa mga Layko,” gisaulog ang kapistahan  pinaagi sa Santos nga Misa nga gipangulohan ni Archbishop Fernando R. Capalla, Archbishop Emeritus sa Dabaw niadtong Agosto 1.

Sa wala pa gisaulog ang Misa, gihimo sa mga GKK ang prosesyon sa ilang mga patron ug gihimo usab ang Novena Mass isip pagpangandam sa kapistahan.

Gihimo usab sa mga parokyano ang Divine Cosplay diin ang mga kabatan-onan nakasuot og mga costume nga nagapakita sa hulagway sa mga santos sa Simbahan.

Gihimo usab ang coronation night sa Prinsipe at Prinsesa ng San Alfonso Parish inig ka-gabii sa kapistahan. (@johnfrancesf)