Ang Eukaristiya sumala sa Bibliya

Jn. 6:25-68
Si Jesus ang Pan nga nagahatag sa Kinabuhi

(34) “Ako mao ang pan nga naghatag sa kinabuhi.”
(51) “Ako ang pan nga gikan sa langit nga naghatag sa kinabuhi. Ang mokaon niining pan dili gayod mamatay. Ug ang pan nga akong ihatag mao ang akong unod aron mabuhi ang kalibutan.”
(54) Ang mokaon sa akong unod ug muinom sa akong dugo may kinabuhing walay kataposan ug banhawon ko siya kataposang adlaw.”
(52) Nakahaling kini ug mainit nga paglalisay sa mga Judio. “Unsaon man niining tawhana paghatag kanato sa iyang unod aron atong kan-on?”
(67) “Miingon si Jesus sa napulog-duha ka tinun-an, “Ug kamo, mobiya ba usab kamo kanako?”

Mat. 26:26-28
Ang Panihapon sa Ginoo

(26) Samtang nangaon sila, mikuha si Jesus sa pan…gipikaspikas niya kini ug gihatag sa iyang mga tinun-an. “Dawata ninyo kini ug kan-a,“ miingon siya, “kini ang akong lawas.” Unya gikuha niya ang kupa, nagpasalamat sa Dios, ug gihatag kanila. ”Imna kini ninyong tanan,” siya miingon;
(28) “Kini mao ang akong dugo—ang akong dugo nga giula alang sa daghan aron sa pagpasaylo sa mga sala.”

1 Cor. 10: 16-17
Sumala ni San Pablo

(16) “…dili ba pakig-ambit nato sa dugo ni Kristo inig inom nato gikan niining kupa? Ug dili ba pakig-ambit nato sa lawas ni Kristo inig kaon nato gikan niining pan nga atong gipikaspikas?
(17) Sanglit may usa lamang ka pan, kitang tanan bisan daghan, usa lamang ka lawas; kay nakig-ambit man kita sa usa lamang ka pan.”

Ang tubig, ug ang bato

(Jn. 2:1-9)
Ang tubig gibalhin ni Jesus ngadto sa bino. Bisan ang Yawa nakahibalo nga ang anak sa Dios dunay gahom pagbalhin sa bato ngadto sa pan.

(Mt. 4: 1-4)
Ang Yawa miduol kang Jesus ug miingon, “Kung Anak ka sa Dios, himoang pan kining mga bato,” Sa laing higayon si Jesus misulti sa katawhan, “sultihan ko kamo nga ang Dios makahimog mga kaliwat ni Abraham gikan niining mga batoha!”

(Mt. 3:9)
Ang ginoo nagpadayag, “Gihatag kanako ang tanang gahom sa langit ug sa yuta.” (Mt.28:18) Busa, ang Ginoo dunay gahom sa paghimo sa tubig ngadto sa bino, sa bato ngadto sa pan o kaliwat ni Abraham, ug sa pan ngadto sa Iyang unod, ug sa bino ngadto sa Iyang dugo aron ang mokaon sa lawas ug moinom sa dugo ni Kristo may kinabuhing wala kataposan ug mabanhaw sa kataposang adlaw.