Neocatechumenal Way, Pagaablihan sa Fatima

ANG kura paroko sa Our Lady of Fatima Parish, Fr. Henry Campeon mitugot sa pag-abli sa Neocatechumenal Way sa parokya. Ang katekesis ipatigayon sa 2nd floor Capalla Hall, Fatima Parish, alas 7:00 sa gabii matag Lunes ug Huwebes. Kini magsugod karong Mayo 11, 2015.

Ang Neocatechumenal Way usa ka subayanan (itinerary) diha sa Simbahang Katoliko ngadto sa pagbaton og Kristohanong pagtoo. Ang kinsa mang maglakaw niining dalan makadawat ug pagbansay-bansay pagpahamtong sa pagtoo aron sa ngadto-ngadto makaplagan ang Bawtismo nga nadawat, matilawan ang gugma og kalooy sa Ginoo ug mamahimong saksi sa Kristohanong pagtoo sa uban. Kini abli alang sa tanang nagpanuigon ug 12 anyos pataas.