Bokasyon sa pagka-diyakono nadungagan sa Diyosesis sa Tagum

TAGUM CITY — Puno sa kalipay ang gibati sa mga parokyano ug mga seminarista sa Diyosesis sa Tagum, ang pag-ordina sa pagka-diyakono sa tulo ka batan-on.

Niadtong Hunyo 30, dakong kasaulogan sa tibuok Diyosesis sa Tagum ang pag-ordinasyon nila Rev. Ritchie Z. Badiang, Rev. Jay V. Bagot ug Rev. Aldren G. Olaivar pinaagi sa pagpandong sa kamot sa ilang obispo nga si Most Rev. Wilfredo Manlapaz, D.D., STD, Bishop of the Diocese of Tagum didto sa New Christ the King Cathedral, Tagum City.

Dako usab ang kalipay sa mga ginikanan, ug mga igsuon, kaparyentihan sa tulo nga giordinahan sa maong kasaulogan.

Matud pa ni Bp. Manlapaz sa iyang homiliya halandon kaayo, “Mga anak Aldren, Jay ug Ritchie, kamo pagabayawon nako ngadto sa ordin sa pagka-diyakono, ang Ginoo nagahatag kaninyog paning-ingnan sa inyong pagasundon, isip diyakono, kamo mangalagad kang kristo, si kinsa nailhan sa iyang mga tinun-an, isip maoy nangalagad sa uban, tumana sa kinasing-kasing gayod ang kabubut-on sa diyos. Alagari sa tumang gugma ug kalipay ang diyos ug katawhan, isipa ang tanang kahakog ug ang dili putli nga pag-simba sa mga diyos-diyos, kay walay tao nga maka-alagad sa duha kahigalon sama sa mga tao nga gipili sa mga apostoles alang sa buhat sa kalooy, kinahanglan nga kamo mamahimong tao nga maayong dungog, dungong sa kaalam ug sa espiritu santo.” Mao lamang kini ang mga punto nga giiambit ngadto sa tulo ka mga diyakono. Sa katapusan homiliya niya, “Inig sugat ninyo unya sa Ginoo, nadungog kamo kaniya nga nagkanayon, maayong pagkaboutan ug makanunayon nga.-alagad, sulod ari, sa kalipay saimong kinabuhi.”

Gihatagan ni Bp. Manlapaz ug tig-isa ka minuto ang mga bag-ong diyakono una gisugdan ang rito sa ordinasyon aron mu-desisyon kung kabubut-on ba nila ang magpa-ordina.

Gi-awhang usab niya ang mga katawhan nga iampo ang mga bag-ong mga diyakono nga, “magpabiling pari hangtud sa kahangturan” (Psalm 110:4).

Sa tulo kabata-on, usa sa kamanghuran didto si Rev. Aldren G. Olaivar mihatag ug mensahe, ingon tudlo sa iyang kamot didto sa crucifix, “Tungod sa iyang pagpasakit, pagpakamatay ug pagkabanhaw, ug grasya kami nihalad sa among mga kaugalingon.” (Nemric Kiel Umali)