Ang Kaalam Pinaagi sa Simbahan

Ang uban dili motuo sa Immaculate Conception og Assumption of Mary tungod kay kini wala kuno mabasa sa Bibliya. Ang Bibliya nagmatuod nga dunay mga kamatuoran o misteryo sa Diyos nga wala mahasulat sa Bibliya apan atong mahibaloan pinaagi sa atong Simbahan. Si San Pedro gisultihan sa Ginoo, “bulahan ka gayud kay kining kamatuoran wala moabot kanimo gikan ni bisan kinsang tawo, gihatag kanimo sa akong Amahan nga atua sa langit.” (Mt. 16:17).

Sa “kaalam” nagpasabot nga nasayran/masayran sa Simbahan ang kamatuoran o misteryo sa Dios bisan wala mahasulat sa Bibliya. Si Santiago nag ingon, “Kung kaninyo may nakulangan ug kaalam, papangayoa siya sa Diyos ug dili gayud siya mahigawas, kay ang Diyos mahinatagon ug maloloy-on man sa tanan.” (Santiago 1:5)

Ang kahibalo pinaagi sa pagtuon, ang kaalam pinaagi sa pag-ampo dili “gikan ni bisan kinsang tawo” . Ang Simbahan nakadawat sa “kaalam” pinaagi sa Espiritu Santo. Ang Ginoo nagsulti ngadto sa mga apostoles, “Ang Espiritu sa kamatuoran — magtudlo kaninyo sa tanan” (Jn. 14:15-17, 26). Ang Ginoo nag ingon pud, “Daghan pa unta kaayo ako ug isulti kaninyo, apan karon dili pa kamo makatugkad niini. Apan inig abot sa Espiritu, tultolan kamo niya sa tibuok kalibutan. Sultihan kamo niya…sa mga butang nga umaabot (Jn. 16:12-15).