Pagbotar atong Katungdanan

Pahimagno ni Cardinal Tagle: “The prelate also called on the people to be wary of public leaders who extend their help like a double-edge sword. Not all those who give, give wholeheartedly. There are those who give but in fact enslave you.” He warned, “that the kind of leader you should be afraid of – someone who appears to be helping you but in reality is enslaving you.” (PDI, P6, July 4, 2015)

Sa bibliya adunay pahimangno nga atong mabasa: “ang mga gasa sa mga saburno makabuta bisan sa mga tawong maalamon ug magpugong kanila sa pagmaligdong diha sa ilang pagsaway. (Sir. 20:29) ug sa Deut. 16:19 mabasa: “…ang saburno makabuta sa maalamon” – panahon sa eleksyon daghan ang mga ‘buta’ sa maalamon.

Ang katawhan mao ang Simbahan matud pa ni San Pablo, “aron pinaagi sa simbahan masayran karon – ang kaalam sa Diyops dinha sa nagkalain-laing paagi” (Ef 3:10). Ang kaalam gihatag sa Diyos ngadto sa katawhan sumala sa katungdanan sa matag tawo. Ang pagbotar panahon sa eleksyon atong katungdanan. Si San Pablo nag-ingon, “busa kung molihok ang tagsa-tagsa ka bahin sumala sa katungdanan niini, ang tibuok lawas motubo ug mag lig-on pinaagi sa gugma” (Efeso 4:16).

Sanglit sa atong panahon, ang mga Kristyanos dili man gayod magkahiusa labi na panahon sa eleksyon, nan, ang mga adunay katungdanan sa pagbotar duna usab katungdanan sa pag-ampo kay si San Santiago nag-ingon, “apan kung diha kaninyo may nakulangan og kaalam papangayoa siya sa Diyos ug dili gayod siya mahikawan kay ang Diyos manghinatagon ug maluluy-on man sa tanan”. Hinaut unta nga sa matag eleksyon mag daghan ang mangayo og kaalam kay ang pagbotar atong katungdanan.