Saint Look-Alike contest gipahigayon sa Buhangin

Saint Look-Alike contest gipahigayon sa Buhangin

Ang parokya sa St. Mary of the Perpetual Rosary Parish, Buhangin sa unang higayon sa kasaysayan sa iyang kapistahan, gimugna ang “Saint Look-Alike Contest 2015.” Giapilan kini sa 18 kabuok representante sa mga GKK.

Gamit ang criteria: 40% physical appearance/costume, 30% alang sa pagpasundayag sa kinabuhi sa maong santo o santa inubanan sa pagbasa sa kasaysayan sa maong mga santos, ug 30% sa gidaghanon nga mitambong nga miyembro sa GKK.

Mao kini ang midaug nga mga GKKs: 1st prize — San Jose, 2nd prize — San Roque, 3rd prize — Santa Teresita sa Batang Hesus. Kining maong pasundayag gipangulohan sa FLA-PSKB Cooridinators Bro. Toto ug Sis. Delia Frias. (N. Villodres | N. Santillan | C. Angco | SMP SoCCOm)

Sta. Ana Champion sa PSL Song writing

Ang Archdiocesan Liturgical Center (ALC) nagpahigayon ug usa ka “Theme Song Writing Competition” isip pagpangandam sa ika-50 ka anibersaryo sa Pangulo sa Liturhiya (PSL) sa St. Jude Thaddeus Parish, niadtong Oktobre 2, 2015.

Ang mga midaug sa maong contest mao ang Sta. Ana Shrine Parish — Champion; Virgen de Los Remedios — 1st ug 4th runners-up; Our Mother of Perpetual Help — 2nd runner-up; The Most Sacred Heart of Jesus — 3rd runner-up.

Matud pa ni Bro. Loloy Genosas sa ALC, kining maong contest gisalmotan sa mga PSL sa nagkalain-laing GKK sa mga parokya nga sakop sa Archdiocese of Davao. “Gikan ni sa ilang orihinal nga komposisyon. Adunay 5 ka komposisyon nga naapil as finalists gikan 1.) Virgen de Los Remedios – Crossing Bayabas, Toril; 2.) The Most Sacred Heart of Jesus, Calinan; 3.) Our Mother of Perpetual Help, Bajada; ug 4.) Sta. Ana Shrine Parish.

Gikulbaan sa iyang pag-apil sa kompetisyon ang lima ka bulan pa lamang nga PSL Bro. Dionisio Jundis, 64 anyos, usa ka tricycle driver, nga sakop sa Virgen de Los Remedios. “Adunay kahadlok, kakulba ug kahinam nga pagbati sa pag apil ing ani nga event.” Susama usab ang gibati ni Bro. Mamerto Acla, 5 ka tuig nang PSL sa ilang GKK nga sakop sa Sta. Ana Shrine Parish ug si Bro. Lorenzo Lerog, 20 ka tuig sa pagpangalagad gikan sa Calinan.

Saulogon ang anibersaryo sa PSL sa Dabaw karong Nobyembre. (Ester Florece | SJP SoCCOM)