Ikaduhang SONA ni Duterte gipahitabo

Bisan paman gisugat sa nagkadaiyang protesta ang ikaduhang sona ni President Rodrigo Duterte nagmalampusun gihapong gipahigayun niadtung Hulyo 24 sa hapon sa Batasang Pambansa sa Quezon City.

Usa sa nahisgutan sa Presidente ang kampanya batok sa iligal nga druga, sumala niya magpadayun ang maong kampanya, bisan paman daghang pundok na ang miangal niini.

Dili niya ihunong ang away sa iligal nga droga hangtud dili masabtan sa mga nagagamit kung unsay dautang epekto sa iligal nga druga ngadtu sa kaugalingon, sa pamilya, ingun man sa kinatibuk-an. Maong gihagit sa presidente ang iyang mga kritiko nga mibabag sa war on drugs nga gamiton ang ilang impluwensya arun i-edukar ang katawhan sa naasuy nga adiksyun.

Subay niini, gihatagan sab sa presidente ug pagtagad ang ka importansya sa kinabuhi sa tao ug dili niya kini pasagdan ug nga nasayud na ang tanan nga ang iligal nga druga, nag ugat sa kadautan, “that is why I ask you to join this fight against illegal drugs and all forms of criminality,” sigun sa Presidente.

Daghan pa siyang gisaysay uban na ang paghagit sa mga pribadong sektor na tabangan ang ekonomiya sa Pilipinas na mupalambo. Nanawagan usab ang presidente sa dako ug halapad nga pag sabot sa tanan kay andam siya nga maminaw sa matag mulo sa mga aktibista.

Ang atong presidente naa pay lima ka tuig arun tumanon ang iyang mga panaad kaniadtung panahun sa piniliay. Ug sa mga nakab-ot na niya sulod gikan sa iyang paglingkod isip presidente mao ang paghatag ug medical sa mga nanginahanglan ug ang land reform program alang sa mga mag-uuma.