Kisame sa Lumondao Parish halos kumpleto na

Kisame sa San Isidro Labrador Parish, Lumondao, Marilog District, 95 percent completed na.

Kahinumduman nga nanawagan si Fr. Edsel Paloma sa mga parokyano sa miaging tuig, nga mag donate alang sa pagpabag-o sa kisame sa parokya.

Kini tungod kay daghang mga langgam ang naga istambay sa atop hinungdan nga panahon sa misa ug kasal, matagakan sad sila sa hugaw nila.

Atol sa ika-25 nga pista, nanghinaut ang kura paroko nga mahuman na gyud kini. Uban pang proyekto mao ang pagpintura sa kumbento ug social hall ug pagpakural sa entrance gate.

Tema sa kasaulogan: Mapaubsanon ug Maampoong Sumbanan sa Katilingbang Masangyawon.