Simbahan ug mga Barangay sa Matanao, Davao del Sur, naghiusa

Hingpit na nga milingkod sa pwesto niadtong Hulyo Uno, 2018 ang mga bag-ong napili nga opisyal sa barangay, human sa gipahigayong May 14, 2018 Barangay ug SK Election sa nasud.

Samtang si Rev. Fr. Allan Joy Nunes, ang Kura Paroko sa San Vicente Ferrer Parish, Bangkal, Matanao, Davao del Sur, nagpatawag una siya ug usa ka dayalogo sa mga opisyales sa napulo ka barangay nga nahisakop sa pagdumala sa maong Parokya ug positibo nga mitubag sa maong aktibidad ang mga opisyales nga gilangkuban sa mga bag-ong kapitan, kagawad ug SK Sangguniang Kabataan. Butang nga alas Otso sa buntag, usa ka misa nga gipahigayon sa maong parokya niadtong Hunyo 24, 2018.

Sumala ni Fr. Nuñez nga gihimo niya ang maong panagtapok sa mga opisyal nga gikan sa barangay Tamlangun, Asbang, Bangkal, Mangga, Dongang Pikong, Cabasagan, Savoy, Kolonsabak, Kapoc ug Glamang, Lungsod sa Matanao, arun makatimbaya sa mga pinili sa katawhan nga magdumala sa ilang tagsa ka barangay. Pagpasalamat na sab sumala pa sa labawng makagagahum sa paggiya nga walay dagkong kaulian niadtong miaging piniliay ug mapahibalo sab sa mga opisyales nga ang Simbahan, anaa sa ilang kiliran nagasuporta kung unsa ang ilang pagahimoon nga aktibidad basta ika ayo sa katawhan.

Dugang ni Fr. Nuñez nga isa sa iyang suportahan sa barangay, ilabi na diha sa anti-illegal Drugs sa Gobyerno, kung aduna may mga ipang tokhang, anaa siya mo hatag ug panginahanglan sa Spiritwal ngadto na sa mga Drug Surrenderee.

Samtang mihangyo sab ang maong pari ug suporta sa mga opisyal, ilabina diha sa paghatag ug peace and order, sa panahon sa kapistahan ug kasaulugan sa Simbahan.

Pagpasabot ni Fr. Nuñez nga iyang gipanghinaot nga dili tugutan sa mga opisyal sa barangay ang pagpasugal kung adunay aktibidad ang simbahan.

Dugang butyag sa maong Kura Paroko nga dako ug ikalambo ang kumunidad kung magtambayayong ang Simbahan ug ang Barangay sa pagserbisyo tungod anaa lamang sila nag-alagad sa usa ka Katilingban.