Tumang traffic, lakip sa kabag-ohan sa siyudad

Ang siyudad sa Davao gigiyahan gayod ug dakong kausaban sa biskan unsang larang sa kauswagan mapa ekonomiya man, turismo o imprastraktura, lakip na usab niini ang mga bag-ohay nga hulagway sa siyudad timaan sa usa ka dakong kalambuan.

Apan luyo sa mga kausaban, dili nato maikalimud ang mga negatibong butang nga kasagarang mga mulo sa katawhan, usa na niini ang problema batok sa trapiko dinhi sa siyudad sa Davao.

Usa ang problema sa traffic, sa mga present nga ginasagubang ug ginapangitaag solusyon karon sa gobyerno, tungod kay kung ikaw isa sa mga taong kada adlaw ga commute ilabina sa mga estudyante, ug trabahante dakong hasol gayud ang tumang traffic sa siyudad.

Busa nagsilbi kining usa ka dakong hagit sa Gobyerno aron nga mahatagan ug dakong kasulbaran ang kalbaryo sa mga pasahero ug motorista sa matag sud-ong nila sa traffic nga kalsada.

Sumala pa, adunay daghang aspeto nga hinungdan sa tumang traffic sa davao, hilabina sa downtown area, ug mga diversion roads. Usa na niini ka hinungdan ang pagtaas sa populasyon sa siyudad hinungdan nagkadaghan na usab ang mga sakyanan nga mo-agi sa karsada, dungagan pa usab sa mga pasaway nga motorista ug public drivers na dili mosunod sa ginamandong patakaran sa City Transport and Traffic Management Office (CTTMO).

Subay sa mga patakaran nga ginamando sa CTTMO, adunay bag-ohay lamang nila nga gilunsad, sumala pa sa (CTTMO) Chair Dionisio Abude sa usa ka press conference nga mao ang 20-seconds parking period for public vehicles, lakip usab ang pagbawal sa mga pribadong sakyanan sa pagparking sa mga pampublikong lugar, aron nga malikayan ang dugang traffic sa kadalanan, ug aron usab nga masiguro ug address ang maong problema padayon usab ang mga road widening projects ug pagconstruct sa mga by-pass roads sa Department of Public works and Highways (DPWH) aron nga masiguro gayod nga masolusyunan ang problema sa tumang traffic sa siyudad.

Sumala pa “A better road, for a hassle free world” mulo gikan sa mga katawahan, apan “Nobody’s perfect” ingon pa sa panultihon, timaan lamang kini nga wala usay perpekto nga Gobyerno, apan usa sa mga panaad sa atong mga hinigugma ug piniling politiko mao ang panaad sa kahapsay ug tunhay nga kalambuan sa atong syudad, inubanan sa pagpakgang sa mga mali ug problema sa katilingban. Busa isip usa ka lumulupyo ug botante ning syudad, dako ang atong pagsalig kanila nga ang kabag-ohan ilang mahatag sa atoa. (Melvic Villamor | HCDC Interns)