GKK fiesta sa Matanao, gisaulog

Gisaulog ang kapistahan sa GKK San Pedro Calungsod sa Sitio Datal Fitak, Brgy. Colonsabac, sakop sa parokya sa San Vicente Ferrer, Bangkal, Matanao.

Gipangulohan ang Santos nga Misa ni Rev. Fr. Renato A. Togon, SME. Diha sa homiliya ni Fr. Togon, gidasig niya ang katilingban nga unta sama kang San Pedro Calungsod mamahimo unta sila nga magmadasigon diha sa pagpangalagad sa Katilingban ug sa Simbahan bisan pa sa yano nga pamaagi.

Sa wala pa gitapos ang kasaulogan sa Santos nga Misa gipahigayon ang bunyag sa tulo (3) ka mga bata nga bunyaganan.

Nahuman ang kasaulogan sa ilang kapistahan nga puno sa Kadasig, Grasya, Panalangin ug nagmalipayon ang katilingban kay kini gisaulog sa pinulungan nga B’Laan. (Leren Lonzaga)