Lenten Recollection sa Digos

Gitambungan sa kapin 30 ka mga partisipante gikan sa mga nagkalain-laing ministriya sa atong simbahan ang Lenten Recollection nga gipahigayon niadtong Pebrero 29, 2020 adlawng Sabado sa Fatima Center Conference Hall. Gipangulohan ang maong recollection sa atong mahal na obispo, Most Rev. Guillermo Afable, DD. Ang maong recollection ipatigayon sa sulod ka unom ka sabado sa kwaresma.

Nagsugod ang recollection sa saktong alas 2 sa hapon sa pag-ampo sa santos nga rosaryo sa mystero sa kalipay ug gisunod ang kinse minutos nga hilom nga pagpamalandong. Human niana, gisugdan ang unang diskusyon sa atong mahal na obispo ang topic: “Ang Diyos Nakigsulti”.

Nahuman ang maong diskusyon sa 4:30 sa hapon ug gipadayun ang pagpamalandong sa Fatima Center diin gipahigayon ang sakramento sa kompisal hangtud alas syete sa gabie. (Sandy Lavervi | MMC SocCom)