Novena alang sa Kapistan ni Mama Maria Tigpataliwala sa mga Grasya (Mary Mediatrix of all Graces)

Ikaduhang Adlaw: Alang sa dugang kaligdong sa tanang namunoan ug nangalagad sa atong panggamhanan.

Gisugdan ang ikaduhang adlaw sa atong novena ni Mary Mediatrix sa usa ka panaw-duaw gikan sa Zone Xl, alas 5 sa buntag, nagsugod kini sa kanto sa Roxas Ext. padulong sa Emily Homes Subd. Digos City, padulong sa Parokya sa Mediatrix Cathedral, kini gipangulohan ni Fr. Judito Tampon, DCD.

Human sa panaw-duaw gisugdan ang Santos nga Misa nga gipangulohan ni Rev. Fr. Renato A. Togon, SME.
Diha sa homiliya ni Fr. Togon siya miingon nga “Si Maria ang Modelo sa Kristohanong Pamilya” usa ka yano, simple, ordinaryo nga inahan. Unta mabati sa mga bata ang tinuod nga presensya sa usa ka inahan, sama sa gipadayag ni Mama Maria kang Jesus.

Dugang sulti ni Fr. Togon, “Karong adlawa si Mama Maria unta ang atoang mahimong sumbanan diha mismo sa atong pamilya, ipabati kanunay ang buhing presensya sa usa ka inahan, ipabati usab ang tinuod nga kasing-kasing sa usa ka amahan ug usa ka inahan. Busa, gidapit kita sa pagpamalandong sa atong tahas isip ulo sa pamilya amahan man o inahan aron kita mahimong buhing presensya ngadto sa uban”.

Ang mga Novena Misa live coverage nga makita sa Sugid FB, ug madungog sa Huni ug awit sa Kinabuhi 103.1 GoldFM @4am-5:45am, Muews Radio 86.7 & Reply telecast Kakampi Digos Cable Channel 13. (Leren Laña Lonzaga | SocCom Digos)