Paghamili sa Bibliya hagit sa pagpuyo sa pulong

Mahinungdanong gisaulog sa Parokya sa Guihing ang Bible Week, Enero 24, 2021 sa buntag. Si Fr. Leopoldo Omblero, Kura Paroko, maoy nangulo sa paghamili sa Bibliya kon Bible Enthronement sulod sa Santo nga Misa nga gitambongan sa daghan kaayong mga parokyano sa Our Mother of Perpetual Help Parish.

Gipanghinaut nga sa paghatag bili sa pulong sa Ginoo, maningkamot kita nga mamaayo ug mawagtang ang mga samad ug kabalaka sa mga pag-antos nga dala niining pandemya. Awhagon nato ang atong mga kabatan-onan sa pagpuyo sa gitudlo sa atong Ginoo. Mag-uban kitang tanan sa paghatag oras ug panahon aron makat-onan, mapaambit ug mapuy-an ang balaanong pagtulon-an sa Dios. (SUGID)