“MULA SA PUSO” Halad alang sa ika-63

Dakong pasalamat ang gipadayag sa kura paroko sa Ascension of the Lord Parish atol sa kasaulogan sa iyang ika-63 nga adlaw’ng natawhan niadtong Pebrero 14, 2021, atol usab sa Valentine’s Day.

Human sa alas 7 sa buntag nga Santos nga Misa nga iyang gipangulohan, pormal nga gi-ablihan ang bag-ong perspective sa proyekto nga usa ka multipurpose covered court nga itukod sa likod nga bahin sa parokya.

Gisugdan ang paglusad sa kampanya sa paghipos ug pundo sa bulan sa Pebrero tuig 2020 ug naputol sa dihang gideklara ang Enhanced Community Quarantine kon ECQ.

Niadtong bulan sa Disyembre, atol sa ika-10 ka tuig anibersaryo sa Spirituality of Stewardship kon SOS, gipadayon ang naputol nga kampanya pinaagi sa hagit ngadto sa mga Piniyalan sa Ascension of the Lord Parish.

Ug sa gitakdang pagsaulog sa ika-63 nga kasumaran sa adlawng natawhan ni Reb. P. Zenon Ampong, gikampanya ngadto sa 36 ka mga Gagmayng Kristohanong Katilingban kon GKK sa pagkamanggihatagon subay sa tema sa simbahan ning tuiga nga “GIFTED TO GIVE.”

Gawas sa 36 ka mga GKK, gipadad-an usab ang matag Pundok Banay ug tagsa ka mga sulat nga pinirmahan mismo ni Padre Ampong nga nag-awhag sa paghalad alang sa katukuran sa maong proyekto isip gasa atol sa iyang adlawng natawhan.

Human sa alas-7 sa buntag nga Santos nga Misa niadtong Peb. 14, 2021, personal nga gipasalamatan ni Padre Ampong ang mga indibidwal kinsa nakatampo “MULA SA PUSO” kon kinasingkasing nga naghalad alang sa katukuran sa ALP Multipurpose Covered Court pinaagi sa paghatag ug Sertipiko sa Pasalamat ngadto sa mosunod nga mga pundok o indibidwal: Atty. Joseph Dominic Felizarta, Architect Iluminado Quinto, Jr., Mr. & Mrs. Edelberto & Shiela Mae Garay, Engr. & Mrs. Cresencio & Maria Zorayda Justiniane, Engr. & Mrs. Fernando & Irene Ranosa, Architect & Mrs. Ferdinand & Jo Anne Ranosa, Engr. & Mrs. Carlito & Ma. Wilma Carpina, Engr. & Mrs. Julius & Anne Santes, Engr. & Mrs. Aniceto & Teresa Bretana, Grand Knight Procolo Gohitia, District Deputy (K of C) – Ike Yuson, Teresita D. Domingo, Gen. Francisco Arquillano.