Mga Magsisibya alang sa Speak for Peace

Gipahigayon ang usa ka newscasting competition sa Holy Cross of Davao College nga gi air live sa HUKKOMunity Facebook Page niadtong Mayo 12, 2022 adlawng Huwebes.

Ang Speak for Peace usa kompetisyon sa pagsibya nga gilangkuban sa mga estudyante gikan sa nagkalain-laing departamento sa HCDC nga giorganisa sa Hukbong Komunikasyon pinaagi sa College of Arts in Communication Internship Program ilalom sa pamunoan ni Mr. Derf Maiz ug ni Ms. Kath Posadas.

Sa ilang pagpangita sa musunod nga Peace Communication Ambassador ang mga estudyante nag maabtikon diha sa pagsalmot sa maong kompetisyon. Kining kasamtangan nga kompetisyon alang kuno sa healing sa kalibutan ug aron sa pagbalik niini sa iyang natural nga kahimtang.

Sa pulo kanila, ang midaog ug gitakda nga Peace Communication Ambassador mao si Bianca Monton gikan sa Hukbong Komunikasyon sa College of Arts in Communication ug ang first runner up mao si Dane Biongcog gikan sa Bachelor of Business Administration.

Nagmalampuson kining maong aktibidad dili lamang alang sa mga midaog kundi alang sa tanang mga umaabot nga magsisibya nga nahibalo sa ilang responsibilidad alang sa kinaiyahan. (CMAC)