Wala koy Interes sa Gugma

Dear Ate Emz,

Single pa ako ug anaa na sa early 30s ang pangidaron. Naa koy pagkapilian nga kinaiya, ug late bloomer ako mao nga dako ang kalambigitan sa akong kinabuhi nga hangtud karon wala pa akoy love interest. Wala pud ako nahilig niini. Sa pagkatinood lang bati-on ko ang ka hilas. Makatawa na lang gani ako kung ako kining huna-hunaon. Ang akong mga ginikanan usahay muingon nako ug wala pa ba akoy planong mag minyo kay naghinam na sila og apo. Gustohon ko man apan wala akoy maibigan. Kung duna man murag mauwaw ko mu ingon o mangulitawo. Dili man sab ako ingon hitsuraan, duna sab maibog nako pero mao lagi wa koy interest. Para kanako okay lang man nga bisan og taas na ang edad walay angayng kabalak-an apan sa akong mga ginikanan makita ko ang ilang pagkahinam niini. Uniko-hijo ako mao nga sige sila og tulak nako nga mag minyo na aron sila magka apo na. Unsaon man nga wala pa man akoy plano.

Unsa kaha ang hinungdan niini? Dili pa man gyud ko ready sa kagustuhan sa akong mga ginikanan. Dili sab ko gusto nga ako silang madismaya. Unsa may angay kong buhaton?

Sincerely yours,
Jammel

* * * * * *

Dear Jammel,

Bisan kinsa nga ginikanan adunay mga damgo alang sa ilang mga anak. Apan sa bugtong nga anak, usahay usa kini ka hagit tungod kay wala nay laing maduolan nga igsuon ani. Busa, kung unsa man ang mga pangandoy alang sa anak, walay laing makatuman niini gawas kay Unico Hijo.

Sa imong sitwasyon murag nabalaka imong ginikanan kay naa ka na sa marriageable age ug murag wala pay love interest, busa, mao kini ang rason nganong murag na pressure ka.

Dili ikatingala nga ang mga ginikanan mangandoy og mga apo. Sa makausa pa, kini naghimo sa ilang mga kinabuhi nga labing makahuluganon, human sa taas nga mga tuig nga walay mga bata nga nagdagan-dagan sa sulod sa balay, pagbag-o sa ilang kahanas sa pagkaginikanan uban sa mga inosente, makatagamtam na sab sa mga affection nga ihatag kanila niining yanong mga bata, ug mahatagan silag dakong gugma o pagmahal. Sa pagkatinuod lang, gimingaw usab sila niini nga yugto sa ilang kinabuhi.

Kini nga sitwasyon nagpahinumdom kanako sa usa ka higala nga gipugos usab sa iyang mga ginikanan nga magminyo tungod kay nagandoy sab sila og apo. (36 anyos na siya niadtong panahona). Unsa iyang gitubag? (pakomedyang gisulti) “Ay, apo diay inyong gipangandoy? Hatagan ta mo, pero ayaw kog pugsa pagminyo!” Ug wala gyud siya nagpadala sa pressure. Apan human sa duha ka tuig, naminyo na gyud siya, sa iyang kaugalingong desisyon ug sa iyang kaugalingong panahon. Ug duha pa ka tuig ang nilabay, malipayong giregalo sa ilang mga ginikanan ang gipangandoy nga apo.

Sama sa imong kabahin, kung ang imong ginikanan nagpursige nimo nga magminyo tungod kay gusto nila og apo, kung imo hunahunaon, murag ilaha kining panginahanglan nga gusto nilang tagbawon.

Hinumdumi nga ang kaminyoon, dili lang ang maong direksyon sa kinabuhi. Mahimo sab nga tawagon ka sa Ginoo ngadto sa pagkapari o relihiyoso, o sa single blessedness nga kinabuhi.

Imong gihisgutan nga dili ka interesado sa kinabuhing minyo sa pagka karon ug imong giisip ang kaugalingon nga usa ka late bloomer. Tingali wala pa niabot ang interest to spend the rest of your life with someone else in marriage. Bisan pa niana, naghisgot sab ka nga kon aduna kay interest sa usa ka babaye, maulaw sab ka mangulitawo kaniya. Nagpasabot ba kini sa kakuwang sa pagsalig sa imong kaugalingon, nga ikaw usa ka hiligugmaon nga tawo? Mahimo ba kini nga mubo lang gyud ang imong lantaw sa imong kaugalingon? O di kaha nahadlok lang gyud ka nga isalikway sa imong gipanguyaban ug dili nimo gusto masinati ang kasakit nga resulta niini. Hinumdomi nga mapakyas ka lang kung mapakyas ka sa pagsulay. Sumala sa usa ka joke nga akong nadungog, hinaot unta nga dili ka maapil sa grupo nga ginaingon nila “lady killers” tungod kay namatay na lang daw si babae ug wala gyud nakasulti o nakapahayag sa iyang gugma si lalaki!

Sa seryosong bahin, kinahanglan nimo nga tan-awon pag-ayo ang imong kaugalingon. Pag-ampo ug pagpamalandong…asa gikan kini nga mga pagbati/panglantaw sa imong kaugalingon? Unsa imong mga plano sa kinabuhi? Search your inner self, and I am sure you will find answers, with the help and enlightenment of the Holy Spirit.

Kung dili ka pa andam sa kinabuhing minyo, ayaw pugsa imong kaugalingon para lang malipay ang imong ginikanan. Ang kaminyoon dili ginadalian apan ginahunahuna ug maayo tungod usa kini ka seryoso nga butang, ug parehas sab kini sa ubang mga estado sa kinabuhi, sama sa pagkapari/relihiyoso ug single blessedness. Sa unsang estado sa kinabuhi ka ba gitawag sa Ginoo?

In the meantime, spend your life to the fullest, make this more meaningful and above all, never cease praying for God’s will. As you revisit your purpose, your goals and plans in life, be of service to others, and along the way, seize more opportunities to socialize, meet more people. And with the help of our Blessed Mother, I am sure you will tread the path He chooses for you.

God bless you more.
Ate Emz