Procession Caravan Dalit Kang Maria

Sa pagsaulog sa tibuok simbahang katoliko sa adlaw sa pagkatawo ni Maria, usa ka caravan ang gipahigayon human sa alas 8 nga misa, giubanan sa pundok sa LML, Confraternity of Lourdes, PNP, BFP, GKK’s sa Parokya sa St. Joseph the Worker Parish-Sta. Cruz, mga Marian organization ug movements ug gipangunahan ni Rev. Fr. Santos Villahermosa, DCD.

Sakay sa maong Caravan ang imahen sa Mary Mediatrix of All Graces nga mao ang patrona sa Cathedral sa Diocese of Digos.

Tumong sa maong prusisyon nga mahatagan ug gasa ug ihalad sa katawhan ang pagpahinumdum sa kapistahan sa natividad ni Sta. Maria.

Human sa maong Caravan, gibendisyunan ang mga imahen sa Mahal nga Birhen nga gidala sa nagkadaiyang parokyano. (Kyla Palanca)