Panagtapok Sa Mga Magsasangyaw Sa Evangelization 2033, Gihimo Alang Sa Pagpangandam Sa Misyon

Malampuson nga gipahigayon sa Dayosis sa Digos ang 2nd Evangelization 2033 Gathering niadtong Oktubre 22, 2022 sa Holy Cross of Digos Inc., Digos City.

Ang maong panagtapok gitambungan sa mga magsasangyaw nga myembro sa Evagelization 2033 nga naggikan sa nagkadaiyang parte sa Dayosis, hain aktibo nga misalmot sa mga aktibidad.

Sumala sa pahayag ni Rev. Fr. Allan Joie Nuñez, Spiritual Director sa EV2033 nga ang maong panagtapok sa mga magsasangyaw sa pulong sa Dios alang sa pagbag-o sa ilang misyon, tungod niining panahona, higayon sa paghigalaay ug paghigugmaay isip kauban sa misyon.

Gidugang nga higayon sab ang maong panagtapok alang sa paghisgut sa mga angayang himoon sa myembro, gikan sa umaabot nga Desyembre ngadtu na sa usa ka tuig nga mga aktibidad.

Pagsaysay sa Pari nga ang mga pagahimoon sa mga magsasangyaw mao ang pagtuman sa sugu sa Labawng Makagagahom nga himoong sumusunod ang katawhan sa tibuok kalibutan.

Niadtong higayona gihatag ni Rev. Fr. Anselmo Forteza ang usa ka paghisgut may kalabutan sa transformation ug mga angay pagahimoon aron madasig ang mga magsasangyaw sa paghimo sa ilang misyon.

Gihisgutan sab ni Fr. Nuñez sa usa ka pakigambit ang The Pilgrim Church, kalabot sumala pa sa nagapanaw nga Simbahan.

“Matag-usa kanato giila nga simbahan, matag usa Spirito Santo, kita nagapanaw, paingun sa Gingharian sa Dios, dili ta alang sa kalibutan lang, apan ngadto sa gingharian nga gisaad sa Ginoo, busa awhagon ang uban nga maka uban sa panaw, ug kita ang mahimong suga alang sa ilang, pag-uban,” butyag ni Fr. Nuñez.