Oplan Tabang

Niadtong Nobyembre 23, 2022 (Miyerkoles) ang Archdiocese of Davao pinaagi sa Archdiocesan Social Action Center (ASAC) mihatod sa unang hugna nga food packs isip hinanali nga tabang alang sa mga biktima sa baha ug landslide didto sa Diocese of Digos. Ang mga parokya sa Sta. Maria, Basiawan, Malalag, Banate ug Kiblawan ang nahiagoman sa pagbaha ug landslide tungod sa pagbunok sa ulan niadtong Nobyembre 16, 2022. Anaa sa 500 food packs ang nahatod sa ASAC ngadto sa tulo ka mga parokya sa St. Teresa of Avila (Malalag), Our Lady of the Assumption (Sta. Maria) ug San Vicente Ferrer (Basiawan).

Sa pikas bahin, gipangandaman usab sa Archdiocese of Davao ang ikaduhang hugna sa hinabang nga 4,500 food packs. Kining mga food packs gihatod gahapon, Disyembre 3, 2022. Ug sa maong mga food packs naapil na niini ang uban nga mga parokya nga wala nahatagan sa unang hugna. Hangtod karon nagapadayon ang mga parokya sa Archdiocese of Davao sa pagdawat sa mga hinabang alang sa mga biktima sa baha ug landslide sa Diocese of Digos. (Sem. Cecilio L. Canico)