Maayong Sumbanan

Dear Ate Emz,

Ishare ko ang akong story nga akong nasinati mahitungod kini sa akong mga ginikanan. Saksi gayud ako sa mga sakripisyo nga ilang naagian. Akong mahinumdoman nga sa una kung mu yamar na gani kaming mga igsoon ug mao ni mao na murag easy ra kaayo ug mga demands here and there. Wala kami nasayud sa kapait kaniadtong panahon apan intawun akong mga ginikanan nangita gyud ug paagi nga maka provide.

Tulo (3) kami nga managsoon, ako ang kinamaguwangan. Ang akong mga ginikanan mga simpleng trabahante sa pribadong kumpanya. Ilaha kaming gi tun-an kung unsaun pagpanginabuhing praktikal, kamahinungdanon ug bili sa pagkupot ug kwarta nga sakto sa paggamit. Mga basic nga dapat namong matun-an. Bisan ang among mga gamit nga karaan, bisti nga pipila lamang ka parisan wala pa ilisi samtang nga kini mapuslan. Disiplina sa pagkaon nga kinahanglan ang plato limpyu ug walay mabilin nga momho.

Daghan pa nga mga kaugalian gikan sa akong mga ginikanan kaniadto nga akong mahinumduman ug ako ra sab na apply sa akong kaugalingong pamilya ug anak. A Father of two and a husband to a loving Wife. Gagmay pa ang akong mga anak, 14 ug 8 ug makitaan na sa ilang maayong kinaiya. Although dunay mga higayon nga pabadlong apan tolerable ra kay masultihan ug mapangaralan man. Hinaut nga madala usab sa akong mga anak ang maayong mithi ngadto sa ilang pagdako ug kon sila aduna na sab mga kaugalingong pamilya.

Thank you.
Benjo

* * * * * *

Dear Benjo,

Matud pa sa Bibliya, “Train up a child in the way he should go, even when he is old, he will not depart from it”. (Proverbs 22:26). Isip mga ginikanan, kita ang pinaka unang mga magtutudlo sa atong mga anak. Ug ang panimalay mao ang unang tulunghaan ug simbahan.

Nagtuo ako, Benjo, nga kung unsa ka karon, mapasalamaton gyud ka sa pag-train ug pagpadako sa imong mga ginikanan sa inyo nga mga igsoon. Sumala sa imong mga kasinatian, na recognize nimo ang ilang mga sakripisyo aron makab-ot ang ilang mga pangandoy alang sa inyong kalampusan. Ug ang pinaka mahinungdanon niini mao ang pagdisiplina sa inyo samtang mga bata pa kamo, sama sa pag manage sa kwarta, pag-amping sa mga gamit, disiplina sa pagkaon, etc., trying to have a simple life contented with basic needs more than wants. Angay gyung pamaraisan ang pagpadako kaninyo sa inyong mga ginikanan. Mao nga hangtod karon makaingon kita nga natuman gyud nimo ang mga pulong sa Bibliya nga nagkanayon…”even when one grows old, he will not depart from how he was trained as a child”. Wala gyud ka nalayo sa imong mga nakat-unan gikan sa ilaha ug bulahan gyud ka sa mga dala-dala nimong mga bulawanong mithi (values) hangtud karon. Dugang pa niini, imoha sab gipasa sa imong kaugalingon nga pamilya, aron nga kung sila na sab ang mahimong pamilyado, ila sab ipasa kini sa ilang mga anak, and the cycle goes on until the coming generations.

Atong hinumdoman, bisan pa naay makat-onan sa pagtudlo sa mga bata, mas labaw nga makat-unan ang ilahang mga masaksihan pinaagi sa atong mga lihok. Mao nga kinahanglan gyud magbantay kita sa atong mga lihok isip mga ginikanan. Remember values are caught, not taught, and actions speak louder than words!

Atong hinumdoman nga ang disiplina dapat ibalanse og naay apil nga paghigugma aron ang mga anak dili mamahimong rebelde o maghupot og kasuko sa mga ginikanan. Kinahanglan masabtan nila unsay naa sa likod sa pagdisiplina na ilaha; nga ang tanan alang sa ilahang kaayohan ug subay sa pagbuot sa Ginoo. Usahay sakit alang sa mga anak ang pagdisiplina sa ilaha apan kung ato kini apilan og mga LOVING INSTRUCTIONS, mahimong maka benepisyo kini sa ilaha.

Hinaot unta nga malampuson ang imong pagpasa sa mga maayong mithi dinha sa imong pamilya, uban sa pag-ampo nga naa sila kanunay sa presensiya sa Ginoo aron maglawig sila sa hustong dalan padulong sa Tinuod nga Kaharian sa Diyos.

Sa pagsugod sa bag-on tuig, 2023, matagamtaman pa unta ninyo ang daghang mga gasa nga ibubo sa atong Ginoo dinha sa inyong pamilya ug sa inyong mga mahal sa kinabuhi!

God bless you more,
Ate Emz