World Apostolate of Fatima Seminar

Dakong kalipay sa simbahan ang malampusong pagtapos sa gipahigayong WAF Basic Siminar dinhi sa parokya sa St. John Paul II Sub-Parish nga gisalmotan sa atong mga kaigsoonan sa nagkadaiyang GKK. Mokabat ngadto sa kwarenta (40) ka mga partisipante ang nagpabendisyon ug nagpataod sa Brown Scapular isip timaan sa ilang pag debosyon ngadto sa Mahal nga Birheng Maria ug sa pagpaningkamot sa pagtuman sa mensahe niini sa Fatima.

Gisugdan kining maong kalihokan niadtong Pebrero 25, 2023 nga adunay 71 ka mga partisipante ug gipadayon sa, Marso 11, 2023. Gipangunahan kini sa mga facilitator sa World Apostolate of Fatima (WAF) of the Philippines – Digos Division. (SUGID)