Pakig-alayon sa HCDC ngadto sa Indonesian University

Usa ka “live coverage” ang nahitabo sa Holy Cross of Davao College niadtong Mayo 12, 2023 sa ala una sa hapon. Kini nagpakita diha sa pakig-alayon sa maong tulonghaan ngadto sa University sa Indonesia nga mao ang Universitas Pendidikan Ganesha kon UNDIKSHA.

Ang maong pakigalayon sa duha ka eskwealahan usa ka pagpakita sa pagtabok sa mga utlanan ug pagpadayon sa tumong nga “Internationalization”.

Sa maong “live streaming” adunay mga mamumulong gikan sa Indonesia nga mao sila si Putu Ayu Prabawati Sudana Kalihim sa Ahensya sa Kooperasyon ug Public Relations ug Gede Rasben Dantes Bise Rektor para sa Academic and Cooperation Affairs.

Sumala sa “live coverage” nga nahitabo, kini usa ka internasyonal nga programa nga mahimong mapuslanon alang kanila, ug aron mapauswag ang ilang mga kwalipikasyon sa akademiko. Usa kini ka lakang diha sa pagtabang sa mga estudyante nga moapil sa daghang mga programa aron sa pagkat-on ug daghang mga butang ug pagtuon sa mga hitabo gawas sa nasud.

Gilaoman ang pakig-uban sa lain-laing mga nasud alang sa dugang nga mga oportunidad, ug sa pagpasalamat sa kinatibuk-ang cross-cultural nga pagsabot sa Indonesia aron sa pagpalambo sa usa ka malinawon nga komunidad bisan tuod gikan sa nagkalain-laing mga nasud.

Kini nga lakang nagtumong usab pagbungkag sa mga babag sa kultura aron makahimo og mas hayag nga kaugmaon alang sa mga batan-ong henerasyon nga moabut. Kini nga pakigalayon sugod pa lamang sa daghan pang umaabot nga mga higayon. (Von De Guzman | ADDU Intern)