SoCCom seminar ug workshop sa SPCP Tarragona, gipahigayon

Agosto 18, 2023 – Ang San Pedro Claver Parish Social Communications Ministry, nagmalampuson nga nagpahigayon sa usa ka adlaw nga seminar alang sa mga miyembro sa maong ministriya isip kabahin sa tumong sa pagpadayag sa Maayong Balita gamit ang modernong kahimanan sa komunikasyon.

Ubos sa pagpangulo ni Reb. Padre Alfe Alimbon, DCM, SOCCOM director, ug sa makanunayong suporta sa Kura Paroko nga si Reb. Padre Nestor Morata, gilangkuban ang maong seminar ug workshop sa baynte-dos (22) ka miyembro sa SOCCOM ministry gikan sa nagkadaiyang GKK sa maong parokya.

Sa unang parte sa iyang pagpaambit, nahisgutan ni Ms. Kyrie Sobrecarey, SOCCOM News Writing Team Head ug San Salvador del Mundo Vicariate Coordinator ang Catholic Journalism, Writing for Radio ug Ethics and Basic in Catholic Journalism kung diin nahatagan usab ang mga kabatan-onan og higayon nga mopakita sa ilahang talento pinaagi sa practicum.

Gihisgutan usab ni Mr. John Carlo Balante, Diocesan SocCom Coordinator mahitungod sa Pubmats ug Basics in Smart Phone Photography nga usa sa mga pinakaimportante nga butang kinahanglan makat-onan sa mga Social Communicators sa parokya.

Human niini, misunod dayon ang pagpili sa mga bag-ong opisyales sa ministriya. Nahuman ang maong kalihukan pinaagi sa Misa nga gipangulohan ni Reb. Padre Nestor B. Morata, DCM.

Sa iyang mensahe, mapasalamaton si Dianne Sombadon, SOCCOM Parish Coordinator sa Kura Paroko ug SocCom Director sa makanunayong suporta. Dako usab ang pagpasalamat sa duha (2) ka speakers nga si Ms. Kyrie Sobrecarey, San Salvador Del Mundo Vicariate Coordinator ug ni Mr. John Carlo Balante, Diocesan SOCCOM Coordinator sa paggahin ug oras ug pagpaambit sa talento ug kahibalo.

Labaw sa tanan, salamat sa labaw nga Makakagahom nga nahimong malampuson ang seminar ug workshop sa SOCCOM ministry.

Sa pagka karon, andam na ang mga bag-ong miyembro sa ministriya ug nakaplagan nila ang ilang mga reponsibilidad tungod kay sila nanumpa man nga mamahimong tigpagkaylap sa Maayong Balita. (Stephanie Bangcayaon, SOCCOM | Photos: San Pedro Claver Parish-Tarragona FB Page)