Pastoral visit mainitong gisugat sa mga Lumad

Ang ikatulong adlaw sa bisita pastoral sa atong mahal nga Obispo Most. Rev. Guillermo D. Afable, D.D. kauban sa Pastoral Team nga nag-gikan sa Diocese of Digos gipahigayon sa GKK San Pedro Calungsod didto sa Sitio Datal Pital Barangay Colonsabac diin mainitong misugat ang atong mga kaigsoonang Lumad nga anaa sa Tribung Bla’an.

Gusugdan ang maong bisita pastoral pinaagi sa usa ka Santos nga Misa ug misunod dayon ang pakighinabi sa atong Obispo ngadto sa mga katawhan.

Sahi pa sa atong mga kaigsoonang Lumad ang maong bisita pastoral sa atong Obispo nahimong dakung gasa ngadto sa atong mga kaigsoonan tungod kay daku ang ilang kalipay ug pasalamat nga miabot sa ilang lugar ang dugay na nilang ginaampo nga maadtoan sila sa atong mahal nga Obispo, Bishop Jimmy Afable inubanan sa duha ka Pari nga sila Rev. Fr. Judito O. Tampon, DCD. ug Rev. Fr. Kristian Edwyn Peter Dorilag, DCD.