Encounter with the Bishops, Priests and Religious

Human sa Santos nga Misa, ang atong mahal nga obispo uban sa pipila natong kaparian ug kamadrehan dinhi sa atong diyosesis, milingkod sa atubangan alang sa pagtubag sa pipila ka mga pangutana nga giandam sa mga delegado. Ang mga pangutanang gipadayag adunay kalambigitan diha sa sitwasyon sulod sa ilang tagsa-tagsa ka mga pamilya, relasyon ngadto sa uban, mga pangutana mahitungod sa ilang pagpangalagad ug ang uban bahin sa atong pagtoo. Kini nga mga pangutana, gihatagag tin-aw nga mga tubag sa atong obispo sinurpotahan ug tinabangan sa iyang kaubanan.

Niining bahina, klaro nga ang mga kabatan-onan dinhi sa atong diyosesis malahutayon sa ilang panaw sa kinabuhi. Ang pagpakighinabi sa atong obispo kanila, nagpahayag lamang nga sila wala maulahi ug nga sa kanunay, uban sa giya sa atong magbalantay, panalangin ug grasya sa Espiritu Santo, sila kaubang nagapanaw alang sa pagkahiusa, pag-inununganay ug alang sa misyon. (Jeian Camasura, SocCom Matti – Sugid | Photo by John Rodel Tinampay)