Nganong dunay kumplikasyon?

Dear Ate Emz,

God created us in His image and likeness, tinood apan nganong dunay mga sama sa mugna nga dunay deformities, abnormalities mga matawag nato ug unlikely nga dili sama sa uban. Duna akoy na obserbahan nga magsakit ang akong dughan matag higayon nga akoy makakita og mga bata nga dunay mga imperfections or deformities/abnormalities.

Murag kumuton akong dughan kay isip ginikanan bati-on ko usab ang ilang sentimyento. Wala man nila kini gustoha apan gidawat ug giangkon nila ang tanan isip gasa sa Dios apan lagi dunay kalainan kumpara sa uban. Dako akong pagtahod sa mga ginikanan nga dunay sama niining mga kahimtang sa ilang mga anak. Ang pagamuma, pag-alaga, pagpadako dili lalim kay tungod gikinahanglan og dugang pasensya, pagpailob.

Kalipay sa mga ginikanan nga makita ilang anak nga himsog ug normal apan sa uban nga gihatagan og dugang responsibilidad, usa ba kini ka paglutos o talagsaong tahas nga Ginoo ra ang nasayod ug Iya kining gitugot.

Bulahan kitang tanan nga walay kumplikasyon apan sa akong obserbasyon mas bulahan ang mga tawo nga dunay espesyal nga panginahanglan tungod kay layo sila sa posibleng pagpakasala.

Larry

* * * * * *

Dear Larry,

A blessed New Year!

Sa pagtan-aw sa atong palibut, mamatikdan nato nga walay usa ka tawo nga kapahero gayud sa ubang tawo. Ang matag usa gilalang nga talagsaon. Ang matag usa adunay iyang kaugalingong gasa, mga kahuyang ug mga limitasyon. Ug kini naglakip sa imong naobserbahan nga adunay deformities o abnormalities.

Kini nga mga indibidwal gikonsiderar nga mga differently abled, dili disabled o baldado sama sa kasagaran natong madungog nga ginasulti sa uban nga nagtumong kanila. Ang pagkabaldado man gud nagpasabot nga ang usa ka tawo dili na makahimo sa bisan unsa. Hinuon kining mga differently abled mahimong mas hinay lang molihok kaysa uban.

Naay pipila ka mga differently abled nga na feature sa social media. Pananglitan, naay usa ka painter nga magpinta gamit ang iyang baba kay wala siyay mga kamot ug tiil. Naa sab magpintura gamit ang tiil tungod kay wala siyay mga kamot. Naay nagtugtog ug piano gamit ang iyahang mga tiil ug maayo mokanta. Naay laing walay mga kamot apan maka drive ug sakyanan, ug usa sab makapalupad og eroplano gamit sab ang mga tiil. Dugang pa niini usa ka higayon nga naa koy nakita sa Youtube usa ka bulag nga chef, paspas ug hanas kaayo naghiwa-hiwa sa mga ingredients nga iyang gamiton sa pagluto. Aduna sab usa ka bantog nga preacher ug motivational speaker nga walay bukton ug mga tiil, ug naglibot siya sa ubang mga nasud sa tibuok kalibutan, mag inspire sa ubang mga tawo. Sa pagkatinuod lang, naa kini silay mga kahanas ug usahay mas maayo pa sila ug mas hanas kumpara sa mga walay apan. Ang Ginoo naghatag gyud kanila og espesyal nga mga gasa aron sa pagdumala sa ilang espesyal nga mga panginahanglan.

Gone are the days when the differently abled members are hidden by their families. Akong nahinumduman, sa mga milabay na nga mga katuigan, naa koy kaila usa ka pamilya nga kung aduna silay bisita, ilang gitagoan ang ilang anak nga differently abled, hangtud nga ang bisita makahawa na. Murag maulaw sila nga mahibaloan sa uban nga naa silay anak nga may kapansanan. Pero sa pagka karon, nausab na ang panglantaw sa tanan. Daghan na kaayong mga programa alang kanila aron matabangan sila nga mahimong makakat-on og life skills. Daghan na sab ang naka angkon og trabaho tungod sa ilang kahanas bisan pa sa ilang sitwasyon.

Sa pagka tinuod lang, bulahan ang mga pamilya nga adunay miyembro with special needs. Ngano? Tungod kay ang uban nga mga sakop sa pamilya, daku ang kasingkasing, puno sa walay kondisyon nga gugma, pagpasensiya, paglahutay sa pag-atiman kanila aron makahimo sa pagtubag sa ilang mga panginahanglanon. Together they shower this family member with understanding, acceptance and love. Ug tungod niini, gibubo sa atong Ginoo ang dugang nga mga panalangin ug grasya sa pamilya. Atong hinumduman nga ang Ginoo, gugma…ug diin adunay gugma, naa ang Ginoo, ug kung adunay Ginoo, adunay gugma. I am sure the family clings to God, mao nga makaya ra ang tanang mga pakigbisog sa ingon ani nga sitwasyon.

Sakto ka sa imong giingon nga ang atong Ginoo naay rason nga adunay ingon ani nga mga indibidwal sama kanila, ug Siya nagalihok gyud sa ilang kinabuhi. Furthermore, it allows opportunities to extend more love, compassion, patience, etc., towards them. Even if we cannot fathom God’s reasons, with faith and trust in Him, all else will turn into good.

Thank God that you are one of those who are sensitive to our brethren who have special needs. They don’t need pity but love, patience, acceptance. Assist them in any way you can and above all, treat them with dignity and respect, for they are special in the eyes of God.

God bless you more and may your tribe increase.
Ate Emz