Ang Bag-ong Tabernakulo

Gibendisyonanan ni Fr. Martin Tobin, CSsR., niadtong milabay nga Pebrero 13 ang bag-ong tabernakulo sa Our Mother of Perpetual Help Parish, Bajada, Davao City. Kaniadto nahimutang kini didto sa kapilya luyo sa daku nga Simbahan. Karon anaa na kini sa tuong bahin sa altar.

Atol sa maong pagbendisyon mao usab ang ika-80 nga adlawng natawhan ni Fr. Tobin.

Nagpasalamat ang katilingban sa kaparian sa Redemptorist sa tanang mga parokyano ug sa mga mipaambit sa ilang pagkamanggihatagon aron mahimo kining maong balaang lugar diin sa kahilom makapamalandong ang mobisita ug mosud-ong uban sa presensiya sa Ginoo. (Mary Grace Gonzales | OMPH GKK-Parish SoCCom)