Lumilihok Sa Simbahan Nangandam!

Niadtong January 27-28, 2024, nangandam ang mga lideres sa San Pedro Cathedral alang sa usa ka panagtigum ug kalambuan sa matag ministriya sa San Pedro Cathedral. Kini gipahitabo didto sa Sorlinda Inland Resort, Peñaplata Pob., Island Garden City of Samal, Davao del Norte.

Didto ang maong panagtigum nagtinguha nga makahimo og konkreto nga buluhaton alang sa mga kalihukan niining tuig 2024. Gipanguluhan kini sa among mahal nga Parish Administrator Rev. Fr. Voltaire P. Dimol, uban sa mga kamadrehan nga maoy in-charge sa Worship ug Formation Ministry ingon man ang mga GKK Coordinators/Formators ug uban pang mga lumilihok.

Diha sa panagtigum nagkahiusa ang tanan diha sa pagplano sa mga kalihukan sa parokya, labi na sa mga plano nga makapalambo sa pagtoo diha sa nagkahiusang katilingban nga mao ang “Synodality and Stewardship” dungan nga panaw ingon nga mga katawhan sa Dios ug isip mga piniyalan. Nagpakita kini og paagi sa pagpaminaw sa matag indibidwal isip miyembro sa Simbahan aron masabtan kon sa unsang paagi ang Dios makigsulti ug nasinati sa among panagtigum, nga nahiusa ug gihiusa isip mga lumilihok sa iyang parasan. Gipanghinaot ang pagdawat sa pagbag-o, pagporma, ug padayon nga pagkat-on alang sa spiritual ug indibidwal nga kalambuan. (Rosalinda C. Jabonillo | Parish GKK SocCom Coordinator)