Presentasyon sa Kapistahan ni Sr. Sto. Niño

Pag-abot sa ikatulong Dominggo sa Enero, ang tibook simbahan sa nasud sa Pilipinas ginasaulog ang piyesta ni Señor Sto. Nino o ang batang Jesus. Siya ang simbolo sa pagpakatawo sa atong Ginoong Jesukristo aron kita maka-ambit sa iyang pagka-Dios. Ato syang pasidunggan ug himayaon kay siya usa ka batang inosente nga may mapahiyumong nawong apan gisul-oban sa sapot sa hari.

Niadtong January 21, 2024, nagpahigayon ang Our Mother of Perpetual Help (OMPH) Davao sa ilang tinuig nga selebrasyon sa kapistahan ni SR. STO. NIÑO diin adunay presentasyon nga gihimo pinaagi sa Sinulog dance gikan sa alas 6 sa buntag hangtod sa alas 6 sa gabie matag Misa. Ang Redemptorist Youth Ministry (RYM) naghatag ug presentatsyon pinaagi sa paghalad ug sayaw ngadto sa batang Jesus. Ang mga youth sa Zone 5 maoy gitahasan sa presentasyon. Daghang mga tawo ang naghinam-hinam sa maong sayaw ug sa way paglubad, nindot, positibo ug nagmalampuson ang resulta.

Viva Hesus! Viva Pit Señor Sto. Niño!

(Mary Grace Gonzales-GKK Parish SoCCom)