Talagsaong Kahigayonan

Sa unang adlaw sa Novena-Mass niadtong February 2, 2024, kabahin sa ika-21 nga tuig nga pagsaulog sa kapistahan sa parokya ni Birhen sa Lourdes dinhi sa Bangkal, ang Distrito 7, ang nahatagan og kahigayonan nga ma assign nga maoy mohalad og cash or in kind panahon sa misa niadtong adlawa. Ang distrito 7, gilangkuban sa 3 ka Gagmay’ng Kristohanong Katilingban (GKK): Ang Christ The King, Tahimik 2, Sr. Santiago Apostol, ug St. Joseph The Worker.

Sa alas singko y media sa buntag, gisugdan ang novena sa unang adlaw nga gipangulohan sa PSL, c/o PSL Coordinator, Bro. Ruben Sumagang. Pagkahuman sa Novena adunay pagdagkot sa kandila, ug pagbasbas sa Holy Water sa mga nanambong kabahin sa pagsaulog sa Candelaria nga gipangulohan ni Fr. Henry Campeon sa wala pa sugdi ang misa.

Ang mga nagsaulog sa adlawng natawhan niadtong adlawa, lakip na si ate Thelma Bernasor, PSK sa St. Joseph the Worker GKK, gipaadto sa altar, alang sa special nga blessing ug prayers ni Fr. Henry Campeon. Sa wala pa ang katapusang pag-ampo sa misa, naghalad ug preskong bulak ang mga taga distrito 7 ngadto sa imahe ni Birhen Maria. Nagpasalamat si Fr. Henry sa mga taga distrito 7 nga maoy assigned nga mass offerors.

Sa among pagpanguli, nakahigayon ko sa pagpakighinabi sa mag-inang Anne ug Prince Chato.

Matod pa ni Anne nga dako ang iyang kalipay ug pasalamat nga naka experience siya nga makatambong ug novena-mass nga bisan paman sa medyo dugay-dugay na siya nga nagpuyo sa Tahimik 2 , kini ang unang higayon nga naka saksi siya sa special blessing ug prayer sa mga birthday celebrators. Dugang pa ni Anne, ang pagtambong sa misa maoy gihimo niya nga kusog nga malampasan ang mga problema ug mga pagsulay sa kinabuhi.

Dugang pa ni Prince, usa ka altar boy sa atong parokya Birhen sa Lourdes, nga HAPPY ang iyang gibati niadtong higayona. Bisan duna kitay problema SMILE lang gihapon. Mapasalamaton sad ko kay gihatagan ta sa Ginoo ug good health, guidance para sa permanenting kadasig, ug gipamata pud ko ug sayo aron makatambong sa Misa. Kay first time pud ni kay didto ko gikan sa Mati, Davao Oriental. Salamat nga nakamata with joy…ana lang ka simple…

Salamat pud kaayo Anne ug Prince sa inyong pagpadayon kanako sa inyong panimalay…unta ang grasya, gugma ug kalinaw maanaa kanatong tanan.

Viva Jesus! Viva Maria!

(Alana M. Jison, CTK SoCCom)