Gugma sa Dios

Bendita sa Lukay (March 24, 2024)
Is. 50:4-7 / Ps. 22:8-9, 17-18, 19-20, 23-24 / Phil. 2:6-11 / Mk. 14:1-15:47*

Ang Pasyon ni Kristo” mao ang Ebanghelyo sa gugma sa Diyos. Ang atong mga mata sa pagtuo kang Jesus nakakita sa gugma sa Dios pinaagi sa iyang kasakit, pagpas-an sa krus ug sa iyang paglansang sa krus. Kinahanglang dili nato palabyon ang punto sa gugma sa Diyos pinaagi sa pagtan-aw lamang niini o kon dili ato gayud ni pagapuy-an.

Busa, angayan gayud natong pamalandongan ang gugma ug kaluoy sa Diyos, pamalandongan ang atong kapakyasan sa paghigugma nga nakatampo sa pag-antos ug kamatayon ni Hesus sa krus ug ang gamay nga atong nahimo sa pagpuyo sa mensahe sa Ebanghelyo sa gugma ug kaluoy.

Mao nga wala tay angay nga ikaguol sa “Pasyon ni Kristo.” tungod kay nagpasalig kini kanato sa padayong gugma ug kaluoy sa Diyos kanato. Si Jesus kanunay anaa uban kanato, aron sa pagtabang kanato sa mga krus sa kinabuhi nga mahitabo sa matag usa kanato. Mahimong dili mawala ang mga problema sa kinabuhi apan atong antuson kini uban sa Iyang tabang ug grasya.

Kinahanglan natong dawaton ang Sakramento sa Pakig-uli sa kanunay kutob sa mahimo kay kini mao ang sakramento sa kaluoy sa Diyos – ang unang gasa ni Jesus kanato human sa Iyang pagkabanhaw. Kinahanglan kita mag-ampo ug modawat sa Eukaristiya sa kanunay kutob sa mahimo. Ang panag-ambit naghatag kanato og mga grasya sa pag-antos sa mga krus sa atong kinabuhi, sa pagkinabuhi nga mas hingpit sa gugma sa Dios ug sa isigkatawo ug makatabang sa pagbag-o kanato ngadto sa dagway ni Jesus.

Kita nabugkos sa usa ka panag-uban sa gugma ug panaghiusa uban sa Dios ug sa silingan. Ug kining “The Passion of the Christ” naghatag ug buhi labaw pa sa mga pulong sa Ebanghelyo. Nagdala kini nga buhi sa gugma ug kaluoy sa Diyos alang kanato. (Rev. Ranie Boy Pamplana)