Kalinaw og Pagtuo

Ika-2 Domingo sa Pagkabanhaw sa Ginoo, Divine Mercy Sunday (April 7, 2024)
Acts 4:32-35 / Ps 118:2-4, 13-15, 22-24 / 1 Jn 5:1-6 / Jn 20:19-31

Sa atong ebanghelyo karong adlawa, gusto nakong itudlo ang pipila ka importanteng mga kamatuoran nga makapahinumdom kanato. Una, nagpakita si Hesus sa Iyang kaugalingon ngadto sa iyang mga tinun-an ug Siya miingon “Ang kalinaw maanaa kaninyo”.

Ang kalinaw mao ang gusto ni Jesus alang sa Iyang katawhan sukad niadto. Sa ebanghelyo gikan kang Juan, klaro nga gusto Niyang ipakita sa Iyang mga disipulo nga ipakaylap ang kalinaw sa tanang dapit.

Sa pagpakita ni Jesus sa Iyang kaugalingon ngadto sa Iyang mga disipulo, adunay usa ka disipulo nga lig-on. Si Tomas midumili sa pagtuo nga si Jesus nabanhaw gikan sa mga patay. Gawas kon iyang makita ang mga kamot ni Jesus ug ang mga marka sa mga lansang sa Iyang kamot, si Tomas dili motuo. Unya si Jesus nagpakita sa iyang kaugalingon ngadto kaniya mao nga siya mituo niini.

Ang ebanghelyo gikan kang Juan nag pahinumdom nga kitang tanan kinahanglang mahibalo kon unsa ang lawom nga kahulogan niini. Ang gibuhat ni Tomas nagpakita kanato nga ang pagtuo usa ka dakong butang. Kon kita adunay hugot nga pagtuo sa Dios, dili kinahanglan nga kita magduhaduha sa bisan unsa pa kini. Andam kami sa pagbuhat kanunay sa matarong tungod kay kita adunay pagtuo. Ang pagka maduhaduhaon usa ka senyales nga kita wala mo tuo sa usa ka butang o sa usa ka tawo. Kini nag paila kanato nga kita dili masaligon og kulang pa ang atong pagtuo. Tinood nga kita tawo og nangita og mga ebidensya sama sa siyensya nga kinahanglan pamatud-an ang mga butang na imong nabati, Nakita, o nasinati. Pero ikaw nga Hugot sa pagtuo kining mga butanga dili na kinahanglan nimo kon dili ang atong pagtuo sa Ginoo nag hatag na og dakong bahin og ebidensya sa atong kinabuhi. Ang iyang presensya, gasa, higugma, kaluoy, pagpasaylo, or unsa pa ba maoy nag hatag sa atog kadasig nga siya buhi og anaa kanunay kanatong tanan.

Ang ebanghelyo gikan kang Juan maoy usa ka pahinumdom sa matag indibidwal nga ang Dios anaa kanunay samtang kita adunay pagtuo. Si Tomas isip disipulo puno sa pagduhaduha. Wala siyay ingon niana ka dako nga pagtuo kay gusto niyang makita mismo kon si Jesus ba kini.

ANG PAGTUO ug KALINAW mao ang duha ka pulong nga angay natong ipabilin karon niining ebanghelyo. Kung ikaw adunay usa ka dako nga pagtuo sa imong kaugalingon, nan ang imong kinabuhi mahimong malinawon. Dili kinahanglan nga mabalaka ka kung kanus-a ug asa nimo makuha ang imong pagkaon. Ang pagtuo lamang ang maghatag kanato ug igong kusog ug kaisog sa pag-atubang sa tanan sa kinabuhi. (Rev. Angelo Espiñas)