Ako ang punoan sa paras, kamo ang mga sanga

Ika-5 Dominggo sa Pagkabanhaw sa Ginoo (April 28, 2024)
Acts 9:26-31 / Ps. 22:26-27, 28, 30, 31-32 / 1 John 3:18-24 / Jn. 15:1-8

Ako ang punoan sa paras, kamo ang mga sanga: Gikomparar ni Jesus ang atong relasyon kaniya sa usa ka paras ug ang mga sanga niini. Siya ang sentro, ang tinubdan, ug ang pundasyon. Ang pagputol ug pagbulag sa atong kaugalingon gikan kaniya magpahinabo nga kita malaya ug mamatay kon kita layo kang Jesus, kita walay kapuslanan ug walay mahimo; dili kita makapamunga. Si Jesus mao ang atong pagkaon ug atong kinabuhi.

Gitawag kita sa pagpabilin diha kang Jesus: sa pagpuyo uban kaniya, sa pagpakig-uban kaniya. Ang atong pagpakig-hiusa sa atong Ginoo, kita pagapul-ongon. Ang wala’y kapuslanan ug wala kinahanglana sa atong kinabuhi, atong giputol. Atong gibuhian ang sobra nga bagahe sa atong kinabuhi. Ang pagpul-ong mao ang atong paghinlo sa kaugalingon aron kita mahimong himsog ug mabungahon alang sa Ginoo.

Mahimo kitang walay pulos nga mga sanga kon dili kita maminaw kang Jesus. Kita kanunay nagdumili sa pagdawat kaniya; kita nahimong masupakon sa iyang kabubut-on ug mosukol batok sa iyang mga paagi tungod kay kita dili andam sa pagbiya sa mga hayahay ug nindut nga kinabuhi. Dili kita mamunga kon kita maminaw apan dili motuman. Nagbayad kita og lip service pero wala kita nagbuhat sa ingon. O maminaw kita apan, sa pag-atubang sa mga kalisdanan ug mga pagsulay, kita muundang.

Simple lang kaayo ang gihagit sa atong Ginoo karon, nga maminaw na gayud kita sa Ginoo, magpabilin kita diha kaniya, ug unta dili kita magpanuko sa pagdawat kaniya, aron sa ingon dili kita mahisalaag sa mga kadalanan nga giandam alang og para kanato sa Ginoo. Ug aron dili mamatay ang atong dakong pagtoo sa atong Ginoo. Amen. (Rev. Ranie Boy Pamplona)