Ayaw sayangi ang grasya sa Ginoo

Ika-30 nga Domingo sa Ordinaryong Panahon (October 27, 2024)
Jer 31:7-9 / Ps. 126:1-2, 2-3, 4-5, 6 / Heb. 5:1-6 / Mk. 10:46-52

Ang ubang mga oportunidad moabut kausa ra diha sa atong kinabuhi. Mao bitaw’ng, mas maayo nga kuhaon dayon nato kini, atimanon dayon kini aron kini dili mawala hangtod sa hangtod. Kini nga panghunahuna lagmit nga nasantop sa hunahuna sa buta nga si Bartimeo sa dihang si Jesus milabay. Kabalo mismo siya nga aduna ra siyay usa ka higayon nga maayo ug iya kini gikuha nga higayon nga walay paghunahuna alang sa sosyal nga pamatasan o pagbati sa kaulaw.

Ug gani, gitawag niya dayon si Jesus sa makusog. Kini igo nga nakakuha sa pagtagad ni Jesus. Mao bitaw’ng si Hesus mihangyo nga si Bartimeo dad-on ngadto Kaniya aron Siya personal nga makapangutana kon unsa ang gusto ni Bartimeo. Ug ang buta sa walay pagduhaduha mihimo sa iyang hangyo. Kini matinahuron ug puno sa pagsalig. Wala kini gisulti sa desperasyon o kahadlok.

Pero kining iyang gibuhat, gibuhat niya sa kalma, mapaubsanon nga hangyo nga adunay maayong pagtuo sa atong Ginoo. Ug tungod niini si Jesus wala mapakyas. Kung kinsa kadtong mga nakahuna-huna niini ug nakahibalo kung unsa ang makapalipay nila ug mangayo niini makuha gyud kini. Kay ang ilang gusto mao man usab ang gusto sa Dios alang kanila. Ang kahingpitan sa kinabuhi mao ang labing dako nga tinguha sa Dios alang sa matag usa kanato.

Karong adlawa, atong hinumdoman ang mga buta nga nagpakitag talagsaong kaisog sa pagsagubang sa mga hagit sa kinabuhi nga walay kataposan. Atong suportahan ang ilang mga inisyatiba sa pagkinabuhi nga ligdong. Iampo usab nato sila. Hinaot nga ang ilang kakulang sa panan-aw dili makapakunhod sa ilang kapasidad sa pagkinabuhi nga makahuluganon. (Rev. Fr. Ranie Boy Pamplona)