Mama’s Girl

Dear Ate Emz,

MARRIED na po ako, mag 3 years na. Duna kami 1yr old baby sa akong asawa. Happy and contented. Kaya lang ang akong asawa may pagka Mom’s girl. She cannot get over with being dependent to my in-law. Halos tanan iyang ginaasa. Ang akoa lang is that, how can we learn on our own in terms of raising a family if we rely everything sa mga in-laws? Bisan pa nga okay sa akong mga in-laws and walay problema, in fact ganahan pa gani sila pero feeling nako dili ko makalihok but to go with the flow kung unsa ilang himoon. Well, effort wise wala na gyud koy hago but I find it not healthy for us being a couple.

I know dili siya big problem. How can I handle this without hurting my in laws’ ego and ma sabtan sa akong asawa?

Thanks a lot,

Salamat,
Dan

* * * * * *

Dear Dan,

Indeed you are in a difficult situation wherein your wife seems to be still tied to her mother’s apron strings. Murag wala pa siguro siya malutas sa iyang inahan. Tingali gipadaku siya nga dependent kaayo busa murag dili makalihok on her own.

Sa inyong sitwasyon nga nagpuyo mo sa imong in-laws, lisud gyud sa inyong bahin nga makabarog kamo nga mag-asawa. Sa tinuod lang, naay tendency nga dili kamo gawasnon na magbuhat sa inyong kaugalingong gustong buhaton tungod ang imong asawa ma impluwensya sa iyang mga ginikanan kung unsa ang inyong dapat pag desisyonan nga mag-tiayon.

Sa kaminyoon, gilauman nga ang magtiayon andam sa pagbarug sa ilang kaugalingon samtang nagpadaku sa ilang kaugalingong mga anak o pamilya. Dili gyud mo motubo isip magtiayon labi na ang imong misis, kung naa pa kamo magpuyo sa poder sa iyang ginikanan. Dugang pa niini, sumala sa imoha, you go with the flow…ug kini nagpasabot nga dili gyud mo gawasnon sa pagbuhat sa inyong gustong buhaton tungod magpanuko man mo. Ug kini mahimong hinungdan sa tension tali kanimo ug sa imong asawa.

Tingali ang imong asawa wala pay hingpit nga pagsabot sa mga demands sa kinabuhing minyo kung bahin sa pagka independente ang hisgutan. Ang imong prayoridad karon mao ang imong kaugalingong pamilya, dili ang pagkabalaka o pag-amping aron dili makasakit sa ego sa imong mga ugangan. Ang resulta, mahimong kontrolado nila ang padagan sa inyong pamilya tungod lang kay ginalikayan nimo nga masakitan sila.

Kinahanglan gayud nga mag dayalogo o magstoryahanay kamo sa imong asawa. Ipadayag ang inyong kaugalingon nga mga pagbati mahitungod niini nga sitwasyon, ug giunsa niini pag-apekto kaninyo. Ipasabot sa imong asawa nga kinahanglan gyud nga magbarog mo tungod nagmugna na mo ug kaugalingong pamilya. Pakigsulti usab sa iyang ginikanan sa inyong plano nga maglain aron makat-on mo nga mahimong independente. Ug mahimo mo nga usa ka lig-on ug naghiniusang bag-ong entidad nga hingpit nga makahimo sa pagpuyo sa usa ka independente ug produktibo nga kinabuhi.

Tinuod, naa gayud masinati nga mga kasakit to separate from the parents’ apron strings, apan usa kini ka realidad sa pagsulod sa kinabuhing minyo. Sumala sa Balaang Kasulatan, “…ang lalaki mobiya sa iyang amahan ug inahan ug magatipon sa iyang asawa ug silang duha mahimong usa”, (Ephisians 5:31), ug kini alang sab nga buhaton sa babae.

Naglaum ako ug mag-ampo nga kamo makakita og kaisug sa pagbarug sa unsay inyong gituohan nga labing maayo alang sa inyong kaugalingong pamilya.

Hinaut nga panalanginan mo sa atong Ginoo sa inyong paglawig sa kinabuhi nga magkauban isip magtiayon.

God bless you more.
Ate Emz