Si Kristo ba imong Hari?

(An excerpt of the homily of the most Reverend romulo g. valles DD during the canonical establishment of Christ the King Parish and installation of it’s first parish priest Rev. Fr. Dioscoro Saniel at Kauswagan, Panabo City, Davao Del Norte, November 24, 2024.)

Unsay goal sa church year? Ang goal? Ang target? Nga kita muila nga si Kristo, hari…paki check sa inyong kasing-kasing ug huna-huna kon siya ba ang hari; kung dili, failure ta, di kapasar. Mao pud nay tuyo sa pari, mao pud nay tuyo sa parokya, sa tanang parokya, mao pud nay misyon sa simbahan, mao ang pag-evangelize, pagpasabot using the name sa fiesta karon, si Jesus ang Dios maoy maghari sa atong kasing-kasing. Dili hari nga kasagaran, maglingkod sa trono, kahadlokan… di mao nang haria.

Buhata kini sa akong handumanan, hinaot nga manimba ta, uban sa inyong Kura Paroko, buhata kini sa akong handumanan. Panahon ni nga mu-renew ta.

Kining tanan, ang tuyo niini lagi, sentro, nga hinay-hinay ang matag usa bation gyud sa kasing-kasing ug huna-huna nga si Jesus mao atong hari ug kita sakop sa iyang gingharian ug kitang tanan mga citizens of the kingdom of God. Ang atong destino mao ang gingharian didto sa langit.