Jesus tabangi ang among pamilya

(An excerpt of the homily of the Most Reverend Romulo G. Valles D.D. during the 57th Fiesta of the Shrine of the Holy Infant Jesus of Prague, Matina, Davao City, January 15, 2025.)

Naay usa ka batid sa liturhiya unya uyon ko niya pag-ingon niya nga “ang piyesta sa Sto. Niño sama karon usa ka Christmas fiesta…pero na-schedule gawas sa pasko, sa English pa ang feast of Sto. Niño is a Christmas feast scheduled outside of Christmas season.”

Busa makatabang kaayo alang nato, karong tuiga, mamalandong kita, sa makausa pa this year unsa may makatabang sa atong pagtoo? Ingon pa sa atong Papal Nuncio, ang kining batasan sa Pinoy nga magdebosyon pagkanindot gyud, kay kita by nature ingon nila sacramental. Ganahan tag mga signs, makita, mahikap, di lang isturya nga Batang Jesus pero naa gyuy imahe nga Batang Jesus, ganahan ta niana busa kini atong mga debosyon, pagduol, pagyukbo pagkanindot gyud pero unta kini ang importante, maka palalom sa atong pagtoo, pagtoong Katoliko, pagtoong Kristohanon, pagtoo kang Jesus.

Hagit nato number 1, mangayo ta Sto. Niño ang Batang Jesus nga si papa ug si mama kapareha ni Maria ug ni Jose, mangita gyud, muatiman gyud. Sto. Niño, dili pwede nga dili mugula sa background ang pagpangga ni Maria ug ni Jose. Kita nga nagdebosyon karon, mamalandong kita unsa ang kainit ang pagpangga nato sa atong mga anak o mga anak mag-ampo, ampoay kita nga ang atong mga parents, atong mga families, kanunay ba ang tono sa families, mudala ngadto sa templo sa Ginoo. Ang tanan nga goal unta gyud target sa family, nindot man nga maka degree, maka eskwela intawon maka kaon, dunay roof over our heads, nindot kaayo na; pero ang tatay’g nanay unta gyud pagka matuto sa mga bata nga mahimong dili lang ilang mga anak, apan atong mga anak mahimong mga anak sa Dios. Jesus tabangi ang among pamilya.