Kalisdanan, kabahin sa kinabuhi

Dear Ate Emz,

Ang akong story basically walay kalahian sa uban o kasagaran, tungod ang akong kasinatian sama kanatong tanan dunay mga pagsulay. Kini nga pagsulay in relation to service o pagpangalagad.

Usa ako ka PSL sa among GKK. Akong mga anak active sa Youth for Christ ug Kids for Christ, 4 among anak isa ray lalaki. Active sab kini siya isip choir sa Simbahan. Ang duha ka babaye miyembro sa music ministry ug nagatugtug sa among GKK. Ang isa PSB, pangulo sa batan-on. Ako ug ang akong wife aktibo sa Couples for Christ, in fact household leader kaming duha.

Kini laging nagapangalagad ta sa GINOO sulayan gyud ang atong katakos ug pasensiya. Milihok si taning ug puntirya niya ang among anak. Naglayas ang akong anak lalaki. Ang kamagulangan nga babaye nagpoyo poyo dili makasal kay komplikado. Ang lalaki, himoon unta meg ulirang pamilya award sa parish nibalibad me tungod ulaw kaayo dili me angayan, apan wala me mihunong sa pangalagad padayon gihapon sa pag-household ug tambong sa KSP kada Sabado, rosaryo kada buntag. Usa-usa kanamo mu lead kada adlaw apil mga bata, pag-umangkon tapokon jud namo kada buntag. Simba matag Domingo magkoyog me tanan. Wa jud me nagpadala sa mga buhat ni taning. Padayon gihapon sa pagpangalagad. Please Pray for us, nga among mapukan kining tanang pagsulay sa kinabuhi. Kayanun sa pagpanalipud ang mga dili maayong binuhatan ni taning.

Nanghinaut ako ug ang akong Pamilya nga giyahan kami sa Espiritu Santo aron nga makalahutay hangtud sa finish line.

Salamat,
Cris

* * * * * *

Dear Cris,

Praise and thank God, gitawag gyud ang inyong tibuok pamilya sa pag-alagad Kaniya dinha sa inyong GKK. Ang mga pagsulay dili gyud mawala sa atong kinabuhi. Lahi-lahi ang mga klaseng pagsulay ang masinati natong tanan…dili gyud kita makaiwas ani. Ilabi na kung kita naningkamot nga mas maduol pa sa Ginoo. Si Taning naga double work sab!

Salamat og wala gyud mo mihunong sa inyong pagpangalad bisan pa medyo nalihis og dalan ang duha nimong mga anak. Hinuon, kining mga panghitabo mas nagpaduol pa ang inyong pamilya dinha sa Ginoo, which is the right thing to do. Taliwala ani nga pagsulay gikinahanglan nga mas hugot ang atong pagkapit sa Diyos kay Siya lang ang makapalig-on kanato sa pagbuntog sa mga kalihukan ni taning.

Agig amahan sa imong pamilya, nakasalalay gyud sa imong responsibilidad nga imong agakon ang tanang miyembro dinha sa pag-ampo. Remember, prayer is our only strength, wala nay lain pang makahatag kanato og kusog aron makalahutay sa kanunay sa mga tentasyon, ug mao ang hingpit nga pag-ampo.

Bisan pa kung unsa kita ka committed sa pagpanglaagad, dili gyud kita perpekto. Mao nga dili gyud kita basta-basta manghusga ilabi na kung naa tay makita nga ang usa ka pamilya naay mga miyembro nga nalihis ang dalan. Usahay man gud makadungog kita og mga comments nga “unsang klase nga pamilya, nagapangalagad man unta sa simbahan apan maka iskandalo ang buhat sa mga anak!” There are no perfect families. Ang mga pagsulay maoy makapalig-on kanato aron makalikay aning mga lihok ni taning. Dinhi sab masukod ang atong pagpailob sa pagdawat sa atong kahuyang…nga kung wala ang Ginoo, dili gyud kita makalahutay ani nga pagpakigbisug.

Atong namatikdan nga si taning nagapuntirya gyud sa mga pamilya. Kay kung mabungkag niya ug madani ang pamilya, maapektuhan ang community ug eventually ang nasud. Mao nga manukad gyud kita sa atong pamilya, ug lig-onon kini pinaagi sa mga pag-ampo. Usa kini ang pag-ampo sa Santo Rosaryo. Sumala pa sa usa ka obispo, “where Mama Mary is present, the devil is absent”. Dalaygon ang imong gibuhat, Cris, nga imong gitapok ang imong pamilya sa pag-ampo…remember, the family that prays together stays together.

Ang Espiritu Santo mao gyud ang mogiya kaninyo ug maglamdag sa inyong dalan paingon sa atong tinuod nga destinasyon. Kapit lang, laban lang…ang Ginoo mobubo sa Iyang mga gasa aron masagubang ang tanang mga pagsulay. As what St. Padre Pio used to remind us, PRAY, HOPE AND DON’T WORRY. Dili nagatulog ang atong Ginoo. Naa gyud Siya kanunay nagalihok sa atong kinabuhi.

Yes, to everyone out there, let us pray for families…let us pray for our Church workers, our priests, lay ministers and other individuals serving in our Church and GKKs…that they may be strengthened in their trials and challenges in fulfilling their ministries, and that all shall not be led into temptation and shall be delivered from all evil. Amen to that.

God bless us more and may our Blessed Mother protect us safely under her mantle.

Ate Emz