Flores De Mayo Nakadasig sa Matag-usa!

Niadtong Mayo 17, 2025, adunay gipahigayon nga panagtigum sa tanang mga katekista ug batan-on nga nag-assist sa Flores de Mayo sa St. Francis of Assisi, La Verna. Adunay assessment nga nahitabo ug gitan-aw ang duha ka semana nga mga kalihukan nga nahuman na sa Flores de Mayo. Ang tema alang sa tibuok bulan mao kini: “Mga Kabataan, Nanag-uban sa Panaw nga Malaumon ug Malipayon Uban ni Maria Padulong kang Jesus.”

Gigamit sa proceso sa Flores de Mayo classes ang pipila ka mga Bibliodrama elements ug ang Dancing Bible aron madasig ang mga kabataan sa pagpartisipar matag adlaw sa Flores de Mayo.

Ang mga Basic Prayers sama sa: Ang Pagpanguros, Amahan Namo, Maghimaya ka Maria ug Himaya sa Amahan, mao ang usa sa mga topics nga gipaambit ngadto sa mga kabataan. Isunod dayon “To Jesus Through Mary ug ang pipila ka mga Hiyas ni Birhen Maria sama sa: Ang Pagkamatuohon ug Pagkamasinugtanon , Ang Pagkamalipayon, Ang Pagkamaalagaron, Ang Pagkamalaumon ni Birhen Maria ug ang Katapusang topic nga mao ang: Ang Pagdayeg ug Pagpasalamat sa Dios diha sa Kasaulogan sa Eyukaristiya nga mao ang ilang pagadawaton panahon sa Culminating activity sa Mayo 31, 2025, Ang matag topic adunay mga activity nga mga Biblical Songs, Dances and Formative Games.

Nindot ang nahimong assessment tungod kay matud pa sa usa ka batan-on nga gikan sa GKK St. Joseph-Davao Empress nga si Celeinne Grace Lavador: “Nalipay ako samtang naghatag ug nag-assist sa mga kabataan kay akong napamalandongan nga imbis anaa ra ako sa among balay magsige gunit sa cellphone, mas gibati nako ang kadasig ug kapuno sa kasing-kasing nga naka-alagad ko sa among kapilya pinaagi sa Flores de Mayo.”

Miingon usab ang usa ka katekista nga gikan sa GKK Birhen sa Fatima-Pag-ibig, nga si Maristela Salvaleon, “Diha sa akong pagpanudlo sa mga kabataan nga ginamit ang mga innovative approach using the Bibliodrama elements and the Dancing Bible process nindot gayod kaayo kay ang mga kabataan, ma-encourage gayod sa pagtambong sa sunod adlaw pa nga mga Flores de Mayo Classes ug mas nailhan nila si Birhen Maria sa halawom nga paagi.”

Si Lorena Orilla, usa ka katekista sa GKK Sto. Niño-Lea ug usa ka Head sa Department of Health (DOH) nagkanayon: “Nalipay kaayo ko ug dako kay ang akong mga kabataan nga Englishera, nakakat-on na sa pag-ampo sa Cebuano sa mga Basic Prayers. Bisan sa akong kabusy, nalipay ug nadasig ako tungod kay ang mga kabataan mismo maghulat kanako kung moabot naa ako gikan sa trabaho, maoy hinungdan nga ang among klase magsugod matag-adlaw gikan Lunes hangtud Biyernes, matag alas 6:00 sa gabii hangtud alas 8:00 sa gabii. Dalaygon ang Dios niini uban sa pagpangama ni Birhen Maria. Nakatabang kaayo ang mga proceso nga gigamit ilabina ang mga Biblical ug Prayer Dances”

Ang Flores de Mayo magculminate karong Mayo 31, 2025, Sabado diha sa St. Francis of Assisi Parish, La Verna pinaagi sa Santos nga Misa sa ala 1:30 sa hapon. Gidasig ang mga kabataan sa pagdala sa ilang mga love offerings alang sa Parish Food Bank for the Poor sama sa bugas, coffee sticks, sugar ug canned goods gawas sa mga bulak nga ihalad alang kang Birhen Maria. Isunod dayon ang Program Presentation matag Sona, ug ang pagpanghatag sa Pahalipay ug Certificates ngadto sa mga kabataan, katekista ug mga Batan-on nga nag-assist ug ang Fellowship Meal sa 3:30 sa hapon. Sa kasamtangan mitotal og 365 ka mga kabataan ang mitambong sa Flores de Mayo didto sa nagkadaiyang GKK nga sakop sa St. Francis of Assisi, La Verna. Viva Maria! Viva Jesus! (Madz Tito)