Panaw sa mga Malaumong Piniyalan: Ngadto Kang Jesus Uban ni San Pedro Apostol

Dako ang kalipay sa katawhan sa rehiyon sa Davao niining ika-177 nga kapistahan ni Sr. San Pedro nga apostol. Kung buot huna-hunaon piyesta kini sa tibuok rehiyon sa Davao tungod kay kining maong katedral mao man ang inahan, kon Metropolitan sa mga lokal nga simbahan sa Davao, Digos, Tagum ug Mati (DaDiTaMa).

Kahinumdoman nga ang Arkidyosis sa Davao nagsaulog sa milabay nga tuig sa ika-75 nga kasumaran sa pagka-simbahan, kon Prelature sukad tuig 1949. Niadtong tuiga sa 1949, usa pa lamang ang obispo sa tibuok simbahan sa Davao. Apan karon, upat na tungod kay naa na ang Digos, Tagum ug Mati.

Kini pamatuod nga mitubo sa pagpanaw isip mga malaumong piniyalan ang mga magtutoo uban ni San Pedro nga apostol. Pinangulohan sa arsobispo sa Arkidyosis sa Davao, uban si Sr. San Pedro nagduyog niining panaw nga puno sa paglaum ang tibuok DaDiTaMa sa padayon nga pagkapiniyalan nga gipakita diha sa bag-ong mga gikansela nga mga fixed amount sa Misa sa patay, bunyag ug kumpil. Uban ni San Pedro makapahiyom kitang tanan nga dili gyud kita pasagdan, kon dili anaa ang suporta sa matag miyembro sa katilingban aron makaabot kita sa atong padulngan sa gingharian.

Malipayong piyesta kanatong tanan! SR. SAN PEDRO, IAMPO MO KAMI.