Septage Management Program gilunsad sa DCWD ug City Government of Davao

NAGTINABANGAY karon ang City Government of Davao ug ang Davao City Water District (DCWD) alang sa pagpatuman sa Davao City Septage Management Program (SMP).

Atol sa Media Forum nga gipahigayon sa Davao City Water District Multi-Purpose Hall 6F niadtong Martes Hunyo 24, 2025, gipresentar ni Jovana Cresta Duhaylungsod, Public Information Officer sa DCWD, ang ilang mga plano gikan sa pagkolekta sa mga septage sa mga sanitary tanks, ang pagpadala sa mga nakolekta nga septage didto sa Septage Treatment Plant gamit ang ilang vacuum trucks nga gikasangkapan og spill control ug disinfectant materials, ang ilahang pag atiman gikan sa screening o ang pag remove sa mga sticks, rags, diapers, sanitary napkins, etc., paghabwa, ug ang pag dispose sa mga sanitary tanks.

Subay ning maong programa sa Provincial Water Utilities Act of 1973 (PD 198), Philippine Clean Water Act of 2004 (RA 9275), Septage and Sewerage Management City Ordinance No. 0363-10, Code on Sanitation of the Philippines (PD 856), ug DILG Memorandum Circular No. 2019-62.

Ang maka avail niini mao ang mga customers sa DCWD, ug mga non-DCWD customers. Lakip na pangandaman ang standard sanitary tank, eksaktong pagkabutang sa sanitary tank ug accessible ang taklob, ug plumber o authorized representative to open the access cover.

Mokabat Ang sanitation fee niini anaa sa Php 3.43 per cubic meter sa nakunsumo nga tubig, ug ang flat fee anaa sa Php 5,971.59 per household or Php 2,388.64 per cu.m desludged.

Tumong niining komprehensibong programa ang pagprotekta sa kalawasan sa publiko ug sa mga palibot sa komunidad aron mas mapalapnag ang sakto nga pagkolekta o desludging, pagdala, ug ang treatment sa septage ug ang sakto nga pag dispose o reuse sa mga septic tanks.

Alang sa dugang kasayuran, mamahimong mo-contact pinaagi sa telephone hotlines 235-3293, 244-6767, sa text support pinaagi sa 0927-798-8966, 0925-511-3293, 0908-441-0653, ug sa official Facebook page sa DCWD. (Kelvin Aguilon)