Sumada sa misyon

(An excerpt of the homily of the Most Reverend Romulo G. Valles D.D. during his Pastoral Visit in San Francisco de Asis Parish, Tagakpan, Davao City, June 5-6, 2025.)

Nakabantay kita sa Ebanghelyo, nagkita si Jesus ug ang Iyang mga tinun-an. Unya sa Iyang mga tinun-an, gitawag og mga apostoles, murag ang Iyang giatubang si Pedro, kay si Pedro man murag coordinator sa 12 ba. Siya ang giila nga mouna. Si Pedro ang Iyang giatubang.

Ingon siya, “Pedro nahiguma ka ba kanako?” Kapila nangutana ang Ginoo? Katulo. Ayaw kalimot katulo siya gipangutana. Ayaw kalimot katulo milimod si Pedro. Katulo nabuang si Pedro. Katulo mitraydor si Pedro. Katulo nakasala si Pedro. Maayo pa nang sala nga nangawat og kabaw. Nangawat og motor.

Ang iyang sala gi-deny niya ang Ginoo mismo. Grabeng salaa to, grabe, grabe! Kung nangawat og pinya, ok ra na, pero kawat gihapon. Pero ang iyang sala iyang gisalikway ang Ginoo. Di ba bag-o pa ta Huwebes Santo sa gabii. He denied Christ. Katulo.

Busa karon, bantayi ang drama ha, katulo pud siya gipangutana sa Ginoo. Mura bag Pedro imo kong gisalikway, nahigugma ka ba kanako? Mura bag asa ang bana nga nabulag, unya dili nimo ingnon ang bana nga ‘daotan ka gibiyaan mo ako’, apan diha sa kasakit nagsagol moingon ka nga ‘Dong, nahigugma ka ba kanako?’ Wow!

Grabe ang Ginoo nuh, Dro, baga kaayo kag nawong, baga kaayo ka. Dapat ka modagan kay wala kay ikaatubang kanako. Wala. Wala. Katulo milimod siya. Pedro nahigugma ka ba kanako? Katulo. Unya ingon Siya, “Ginoo, nasayod ikaw nga gihigugma ko ikaw.” Unya ikaduha, murag nalain lagi si Pedro, “nahigugma ka ba kanako.” Unya mitubag si Pedro, “O Ginoo, nasayod ka nga gihiguma ko ikaw.”

Ang translation karon, by the way, dili kaayo maayo. Ang tubag, sa iningles pa sa ikaduha, “Oo, Ginoo.” Unya miingon si Jesus, “Shepherd my flock,” ingon Siya. Bantayi, atimana, mura kag shepherd ang akong mga, dili gani sheep. Bantayi ang akong mga karnero. Atimana. Pastol. Shepherd my flock. Unya ikatulo, nahigugma ka ba kanako? Oo lagi, Ginoo! Nahigugma man ko nimo.

Unsay misyon sa pari ninyo? Unsay misyon sa Obispo? Unsay misyon sa parokya? Unsay misyon sa archdiocese? Unsay misyon sa mga GKK leaders? Unsay misyon sa Simbahan? Simple. Masumada nato. Atong ipadayon ang tubag ni Pedro. Atong ipadayon ang giingon ni Jesus, bantayi ang panon. Pakan-a ang mga karnero. Shepherd my flock. Be a magbalantay sa akong mga karnero.

Ang pag-anhi sa Obispo, ang trabaho sa pari, tanan nga mga programa sa Simbahan, masumada nato nga extension o application o implementar ang giingon sa Ebanghelyo karon. Sa ato pa, i-check nato kung dunay mga programa nga dili kaayo subay. Kay usahay masipyat kita, adjust na pod. Kini gyud ang principal, pakan-a, atiman ang akong mga karnero.