Surpresa Atol sa Piyesta

Niadtong Mayo 21, 2025 usa ka Gagmayng Kristohanong Katilingban (GKK) nga sakop sa San Roque Parish Malabog nga mao ang Sr. San Isidro Labrador – Siao Pangyan, Zone 6 nagsaulog sa ika-52 nga kapistahan nga gisugdan sa alas nuybe sa buntag ang Santos nga Misa nga gipanguluhan ni Rev.Fr. Cirilo “Fr. Long” R. Bermudez,- Parish Administrator of SRP – Malabog.

Atol sa Selebrasyon sa kapistahan ni Sr. San Isidro Labrador, ang mga GKK Servant Leaders (GSL) sa Sona 6 nga gipanguluhan sa Zone Coordinator nga si Ma’am Emma Bantawig nagmugna ug usa ka surpresa para Kay Fr. Long. Kini isip usa ka “despedida” tungod kay ma-assign na sa laing Parokya si Fr. Long. Human sa Santos nga Misa gisunod ang pagbunyag sa unom ka mga Bata.

Gipahigayon dayon ang paghalad ug kanta nga nagpasalamat sa iyaha ug naghatag og regalo alang kaniya tungod pinakalit kini ug last nga higayon nga siya makauban sa Sona 6. Kita kaayo ang kalipay ni Fr. Long ug ingon nga Wala niya masabti ang gibati tungod Wala niya damha ang among surpresa. Gamay ra kaayo nga butang apan kung naggikan sa kinasing-kasing maghatag kini ug kalipay nga dili malimtan.

Sa hamubong panahon nga nakauban si Fr. Long, makabati ka na masayangan ka na maadto na siya sa laing Parokya tungod mabati nimo kung unsa sya kamapinanggaon, matinabangon, buotan ug dali maduolan nga Pari. Ug tungod niini bisan siya molangyaw na sa laing parokya, ang iyang panudlo magpabilin dinhi kanamo.

God bless on Your New Assignment, Fr. Long! (Angelie L.Giangan – SoCCom)