San Ignacio de Loyola, usa ka gatos ka tuig na!

“Unsa man ang kapuslanan sa pag angkon sa tibook kalibutan kung kapildihan sa kalag ang paingnan?” Mao kini ang mga pulong ni San Ignacio de Loyola nga giasoy ni Archbishop Romulo G. Valles nga nangulo sa santos nga misa niadtong July 31, 2025 atol sa ika-100 nga kapistahan sa San Ignacio de Loyola, Talomo proper, Davao city.

Dugang pa sa Arsobispo nga siya ang pagmahal sa pagtoo mao ang nakapalahutay latas sa usa ka gatus nga mga katuigan sa katilingban.

Uban sa tema nga “Usa ka gatos ka tuig nga puno sa paglaum, San Ignacio giya sa panaw sa kaayo ug gugma ni Kristo” malampuson ang pagsaulog sa Santos nga misa inubanan sa mga kaparian, sila Fr. Elvis Petros, Fr. Reichel Espinosa, Fr. Jerick Asdang ug Fr. Anthony ‘Don” Silvosa, ang kura paroko sa San Lorenzo Ruiz parish.

Malipayong pagsaulog sa usa ka sentenaryong Kapistahan! Viva San Ignacio de Loyola! (Marisa Yee | San Lorenzo Ruiz Parish SoCCom)