“Say nothing of this. Give thanks to God and not me.”

(An excerpt of the homily of Bishop Abel Apigo, D.D., Bishop of Mati, during the fiesta of San Nicolas de Tolentino Cathedral, Mati, September 10, 2025)

“Say nothing of this. Give thanks to God and not me. I am only an earthen vessel, a poor sinner.” (San Nicolas de Tolentino)

Mao unta kini ang atoang chorus. Mao kini ang atoang refrain. Obispo, pari, mga madre, mga anaa sa panggamhanan, anaa sa simbahan, ania kami Ginoo, ipadala kami. Kining 88 nato ka tuig padayon nga ipadala kami. Padayon sa panaw. Ug ingon pa ni Arsobispo sa pagkadungog niya nga 88, Bishop Abel 12 katuig na lang mag-centennial namo dinhi. Tama gyud bishop. 12 na lang katuig paspas raba modagan ang panahon karon. Mao na nga ang atong mga pag-ampo, Ginoo ipadala kami kay nasayran man namo ug nasinati nga ikaw naglig-on kanamo. 88 nga mapadayunong pagpadala kanato sa Dios.

Mao kana mga kaigsoonan nga matag higayon nga makatabang kita sa atong isigkatawo ug moingon ang tawo kanato nga salamat gayod kanimo Bishop o Father, salamat kanimo Governor kay gitagaan mo kami og mga food packs o Mayor o Board Members o mga tawo nga manggihatagon. Sama kang San Nicolas moingon unta kita ayaw pagsulti bahin niini, “say nothing of this, give thanks to God and not me”. Pasalamati ang Dios. Ayaw ako. Bisan naa ta sa Gobyerno, kung naa ta sa Simbahan. Ayaw ako pasalamati, Siya. Siya kay iya lang kong gipadala aron magtabang kanato. “Say nothing of this. Give thanks to God.” A sign of humility, a sign of submission to God. So, mao ni ang spirit ni San Nicolas nga atoa karon nga gipasidunggan sa atoang kapistahan.

Ikaduha, paghatag sa pan nga gihimo ni San Nicolas sa iyang panahon, Kini usab ang panaw nga pagpadayag, paghatag sa pan. Usa sa mga attibutes nga gihatag kang San Nicolas mao kana nga ang tinapay nga iyang gipakaon sa katawhan. Mao na nga naay mga pan diri, symbol, makahinumdom ta nga around 1295 nga wala pa siya namatay 1302 mao na iyang gihimo pagpakaon og daghan ang namilagrohan. Us aka gabii niana nagdamgo siya sa mahal nga Birhen Maria sa dihang nasakit siya ug giingnan siya nga kaon sa pan nga itunlob sa tubig ug kan-a kini. Ug gihimo niya kini ug naay siya sa iyang balatian. Ug mao ni nga kining tradisyon gipadayon sa mga Agostino nga mga kaparian. Ug mao nga hangtod karon usab atong gipadayon ang tradisyon nga paghatag.

Apan ang mapadayunon natong paghatag sa pan mao ang pagsangyaw sa Pulong sa Dios. Gikan sa mga GKK, Kasaulogan sa Pulong, makadungog ang mga tawo ug sa mga sharing sa mga mandated organizations, ilaha nga mga relihiyosong kasinatian. Mao kanay pagpikas-pikas sa pan. Ang pag-adto sa mga pari sa mga opisina sa mga government agencies, private institutions aron nga moingon nga misahe mi diri, Father, kay first Friday namo. Misahe mi diri, Father, kay anniversary namo, pagpikas-pikas sa pan. Mao kana ang mapadayunon nato nga paghatag sa pan ngadto sa katawhan.