Penitential Walk ug Holy Sacrifice of the Mass Gipangandaman sa Arkidayosesis sa Dabaw

Isip tubag sa panawagan sa Catholic Bishops Conference of the Philippines (CBCP), adunay hinusang aksyon sa pagsulat niining balita ang Arkidayosis sa Dabaw pinaagi sa pagplano sa usa ka Penitential Walk ug Holy Sacrifice of the Mass karong umaabot nga Oktubre 25, adlawng Sabado. Giaghat ang tanang parokyano, relihiyoso, GKKs, mga pamilya, mga eskwelahan Katoliko, ug tanang tumutuong Katoliko nga moapil ug mosalmot sa maong kalihukan isip timaan sa paghinulsol, pag-ampo, ug pagkahiusa sa tibuok Simbahan.

Subay sa Circular letter nga giluwatan ni Arsobispo Romulo G. Valles, D.D., pinetsahan Oktubre 21, 2025, gipahibalo ang updated schedule alang sa Penitential Walk ug Holy Sacrifice of the Mass. Sumala sa maong circular, ang Introductory Prayers sa tulo ka starting points magsugod na sa alas 3:45 sa kaadlawon imbes nga alas 4:15, ug ang Penitential Walk magsugod sa alas 4:00 sa buntag, imbes nga alas 4:30.

Gipahimangnoan usab ang tanan nga ang assembly time mao ang alas 3:00 sa kaadlawon sa tulo ka designated points of origin. Ang mga partisipante gidasig nga magsul-ob ug puti nga sanina o puti nga ribbon, ug komportableng sapatos. Kinahanglan usab nga magdala ug tubig nga gibutang sa clear nga botelya, ug likayan ang pagsul-ob ug jacket, kalo, o backpack alang sa seguridad. Ang mga rosaryo ug kandila dad-on usab alang sa pag-ampo ug pagprosisyon samtang maglakaw.

Sa dihang magsugod na ang paglakaw, gidasig ang tanan sa mag-ampo ug pagrosaryo. Aron magkahiusa ang tanang partisipante sa pag-ampo, girekomenda nga magtune-in sa DXGN 89.9 Spirit FM pinaagi sa FM radio sa cellphone kay isibya ang mga pag-ampo aron dungan kining masundan sa tibuok Arkidiyosesis.

Gipangandaman ang matag parokya sa ilang sakyanan nga adunay speaker o trompa nga konektado sa analog radio aron madungog ang mga pag-ampo gikan sa istasyon DXGN 89.9 Spirit FM. Ang pagkahiusa ug pagtinabangay sa tanan mahimong usa ka dakong pamatuod sa pagtuo ug pagkamapainubsanon sa Diosnong panaw.

Sa pagpadayon sa Arkidiyosesis sa Dabaw sa pagtubag sa panawagan sa Simbahan, kini nga Penitential Walk ug Holy Sacrifice of the Mass nagdala sa paglaom ug kalinaw ngadto sa katawhan, nga nagkahiusa sa pagampo ug paghinulsol alang sa kaluwasan ug kalig-on sa pagtuo.