Archdiocesan Penitential Walk and Holy Sacrifice of the Mass

(An excerpt of the Most Reverend Romulo G. Valles, D.D. in his Homily during the Archdiocesan Penitential Walk & Holy Sacrifice of the Mass at San Pedro Square, City Hall Drive, San Pedro St., Davao City | October 25, 2025.)

Gikan sa Unang Pagbasa niining Misa karon, gikan sa Daang Testamento (2 Chronicles 7:14): “If my people, who are called by my name, will humble themselves and pray and seek my face and turn from their wicked ways, then I will hear from heaven, and I will forgive their sin and will heal their land.” “Ug kon ang katawhan nga akong tinawag modangop kanako sa dakong pagpaubos ug mobiya sa ilang sala, patalinghogan ko gayod sila, ug pasayloon sa ilang mga sala ug panalanginan ko ang ilang kayutaan.”

Klaro kaayo, gikan sa tingog sa Ginoo, nga kon kita magbasol, ug mobalik kaniya – uban kaniya, ang Ginoo will heal our land. Sa ato pa, sa tinud-anay, masumpo lang nato kining kangil-ad sa corruption kon ang atong mga kasingkasing mobalik sa Ginoo. Uban sa Ginoo, bag-ohon niya ang nawong sa katawhang Pilipinhon.

Kon kita magbag-o diha sa puting kasingkasing – mao nga nagsuot kita og white color sa atong mga bisti ug nagtaod og white ribbons – kon kita mobarog sa maputing dignidad sa pagka-anak sa Dios, kon kita magbuhat alang sa uban sa mga maputing buhat sa kalooy, pag-alagad, ug pagtinabangay – dili sa pagpamakak, sa pagpangawat, ug pagpangawkaw – mabag-o ang nawong sa katilingbang Pilipinhon.

Sa kahimtang nato karon, mangutana kita: Kon kaha hukman kita sa Ginoo, maluwas ba kita? Dawaton ba kita niya?

Diha sa pagbasa sa Ebanghelyo karon, dili ba maaghat kita sa pag-ingon: Kadaghan sa atong mga igsoon walay makaon; daghan ang giuhaw; daghan intawon ang walay hustong pamisti; daghan ang walay kapuy-an; daghan kaayo ang mga masakiton; daghan ang anaa sa mga makalolooy nga kahimtang sa mga bilanggoan.

Unya moingon kita atubangan sa maong kahimtang: Halos wala kitay mahimo! Ang gobyerno, in particular, kulang sa pagtubag tungod sa kakulang kuno sa pundo, kakulang kuno sa badyet.

Karon, we know – may kwarta kita, may pundo, in billions, kon sumadahon, in trillions! Ug kini diay gikawat, gibulsa, gikawkaw! Busa, daghan kaayo karon, labi na sa mga pobre gayud, ang gigutom, giuhaw, nagmasakiton, walay balay; nahikawan sa hustong hinabang ug pag-alagad tungod sa pagpangawkaw!

Subay sa Ebanghelyo nga atong nabati karon, kon hukman kita, maluwas ba kaha kita? Kon tan-awon kita sa Ginoo, will he find faith among us? Will he find faith in us? Will he find faith that moves us to fight corruption? Like the apostles in the Gospel, we cry today: “Lord, increase our faith.” Faith that will move us to fight this particular evil, kining pagpangawkaw nga among nasinati karon.